هو ايه سر صعود الجنيه قدام الدولار.. وليه الورقة الخضرا بتتراجع بشكل ملحوظ فى الشهور الأخيرة ؟ وايه العوامل اللى ساهمت في استقرار سوق الصرف؟

الجنيه المصري ماشي في سكة مفيهاش رجوع الجنيه دلوقتي مش بس بيقاوم الدولار لا ده بيكسب وبيحقق أكبر موجة صعود من ساعة ما اتعوّم في مارس 2024 الدولار بينزل خطوة ورا خطوة والجنيه بيتقدم بثقة مش هزار.

أعلى سعر للدولار في السوق كان 47.70 جنيه وأقل سعر بقى 47.64 يعني فرق الشراء والبيع بيقل والسيطرة بتزيد البنك المركزي بنفسه مثبت السعر عند 47.55 للشراء و47.68 للبيع.. وده معناه إن الجنيه بيثبت أقدامه حتى قدام أقوى بنوك العالم.

ده غير   كمان ان احتياطي النقد الأجنبي وصل 49.533 مليار دولار بنهاية سبتمبر وده رقم تاريخي بيكمل سلسلة ارتفاعات بدأت من أبريل اللي فات لما عدينا لأول مرة حاجز الـ48 مليار.

طيب ازاي الجنيه اكتسحه وليه من الأساس؟

خليني اقولك أن الدولار دلوقتي بيخسر عالميا مش بس في مصر وده بسبب الإغلاق الحكومي في أمريكا.. وبالتالي الجنيه بيكسب مش بس بسبب ده لأ كمان علشان الإصلاحات اللي بتتعمل دعم أقل ترشيد إنفاق طروحات حكومية وشفافية في السوق كل ده بيزود الثقة وبيفتح الباب قدام استثمارات جديدة وفلوس جاية من كل اتجاه وعلشان الصورة تبقى كاملة مصر كانت استلمت 1.2 مليار دولار من صندوق النقد في مارس ولسه في دفعتين تانين جاين قريب وكريستالينا جورجييفا مديرة الصندوق بنفسها قالت إن صعود الجنيه مفيد جداً للاقتصاد وبيقلل التضخم اللي كان زي الضريبة الخفية على المواطن الجنيه مش بس بيصمد الجنيه بيكسب والأرقام بتقول إننا داخلين على مرحلة ممكن الجنيه يبقى فيها أقوى من الدولار نفسه لو استمر نفس الاتجاه وكملنا بنفس القوة وده مش حلم ده واقع بيتبني خطوة خطوة والأيام الجاية هي اللي هتشهد.