تخيل تبقى قاعد في بيتك، فاتح تطبيق الطلبلت، تطلب أكلك والبقالة… وتلاقي إن مجرد إنك بتطلب  فيه فلوس بترجعلك كاش باك وتوصيل ببلاش وكمان بونص ترحيب بآلاف الجنيهات… مش كده وبس  ده كله على بطاقة مش مجرد كريدت كارد عادية… بطاقة مخصوص للجيل اللي عايش ديجيتال… مش للناس اللي لسه واقفة في طابور.

البنك التجاري الدولي CIB أعلن شراكة ثلاثية تقيلة مع طلبات وماستركارد لإطلاق بطاقة ائتمان جديدة معمولة أساساً للناس اللي حياتها كلها على الموبايل: دفع .. أكل .. بقالة .. أونلاين.. ودي خطوة في سكة مجتمع من غير كاش وبتدعم الشمول المالي والتحول الرقمي اللي الدولة ماشية فيه لحد 2030.

البطاقة الجديدة اسمها CIB talabat Mastercard. متصممة للناس اللي الطلبات عندهم نمط حياة مش رفاهية. بتدي كاش باك شهري يوصل لـ 1200 جنيه على طلبات، زائد مكافأة ترحيبية لمرة واحدة توصل لـ 2000 جنيه أول ما تستخدمها. وفوق كده إعفاء من رسوم توصيل من متاجر مختارة، وخصومات حصرية داخل التطبيق.

ومش بس كده حتى الشراء اللي برا تطبيق طلبات ليه كاش باك 1%، ومعاها مزايا بطاقات ماستركارد البلاتينية اللي بتدي قيمة استخدام أعلى وامتيازات سفر وتأمين وخدمات دعم وغيرها.

الفكرة هنا مش بطاقة وخلاص. الفكرة أن فيه تجربة مصرفية معمولة للناس اللي مش بتروح بنك ولا تمسك كاش — ناس بتعيش وتستهلك وتدفع كله ديجيتال. والمنظومة كلها شغالة في اتجاه واحد .. سرعة .. أمان ..مكافآت .. وتبديل طريقة الدفع من ورق وبنك لرقمنة كاملة.

خالد الفقش من طلبات قال إن التمويل المدمج هو اللي هيخلّي العملاء جزء من المنظومة مش مجرد مستخدم، وإن الشراكة دي مش بس بتحسن علاقة الطلبات بعملائها… لأ، بتخلق قيمة يومية على كل spend. يعني بدل ما تدفع وخلاص، لأ… تدفع وترجعلك قيمة.

ومن ناحية ماستركارد، ميتي جوني قال إنهم ملتزمين بتسريع نمو الاقتصاد الرقمي في مصر، وإن الشراكة دي نموذج تعاون فعلي بيخلق قيمة قابلة للقياس مش كلام. توسع قاعدة الدفع الإلكتروني بحلول مبتكرة وآمنة هو العصب اللي بيكبر السوق من غير كاش.

أما رشوان حمادي من CIB فكان واضح: المستقبل للمدفوعات الرقمية، ودور البنك مش يتفرج، لأ… يقود… البطاقة دي إعادة تعريف لفكرة التجربة المصرفية مش خدمة نفسها… أداء كامل يخدم أسلوب حياة.