وجه الإعلامي مدحت شلبي، رسالة خاصة إلى وليد صلاح الدين مدير الكرة بالنادي الأهلي، بعد توليه هذا المنصب خلال الأسابيع الأخيرة.

رسالة خاصة إلى وليد صلاح الدين

قال اللإعلامي مدحت شلبي: “وليد صلاح إذا أُتيحت له الفرصة كاملة، وابتعد عنه الحاقدون، هيبقى أفضل مدير كرة خلال الـ10 سنوات اللي فاتت”. 

وتابع عبر برنامج مساء الأنوار: “أنا تابعت وليد مش بيقف على الدكة عمال وبطال يتكلم ويعمل شوية حركات يجذب بيها مشاعر الجماهير بالحركات اللي عارفينها”.

وواصل: “أنت مدير كورة، شغلتك مدير كورة، مش تقعد تتنطط وتصرخ زي ما شوفنا كتير قبل كده، ومش هنشوف معاه أي مشاكل زي اللي حصلت قبل كده مع مديرين سابقين، سواء لاعب ضرب لاعب أو لاعب رفض يسلم على مدربه”.

وزاد: “ومش هقول أسماء، أكيد كلكم عارفين، لكن الشطارة في الكلام بتاكل مع الناس أحيانًا. وليد اسم كبير، ولاعب رائع، عمره ما كان بيقعد احتياطي”.

واختتم: “وليد صلاح الدين، محلل محترم لا بيقول شوية تاريخ ولا بيقول جغرافيا، وده نجم كورة بجد، اللاعيبة بتحبه ومش بتاع شو علشان يشد عيون الجماهير”.

قائمة الأهلي أمام إيجل نوار البورندي في دوري أبطال إفريقيا

وشهدت قائمة الأهلي أمام إيجل نوار البورندي، في ذهاب دور الـ32 من مسابقة دوري أبطال إفريقيا، عودة الظهير الأيسر محمد شكري، وجاءت كالتالي:

حراسة المرمى: محمد الشناوي، محمد سيحا، مصطفى شوبير. 

خط الدفاع: ياسين مرعي، عمر كمال عبد الواحد، أحمد رمضان بيكهام، محمد شكري، مصطفى العش، أحمد نبيل كوكا، أحمد عابدين، ياسر إبراهيم، محمد هاني.

خط الوسط: أليو ديانج، محمد علي بن رمضان، مروان عطية، محمد مجدي أفشة، أحمد سيد زيزو، أحمد عبد القادر.

خط الهجوم: محمود حسن تريزيجيه، محمد شريف، جراديشار، طاهر محمد طاهر، أشرف بن شرقي، محمد عبدالله.