ثروته عدت المليار والـ400 ألف دولار.. كسر كل التوقعات وبقى أول لاعب يدخل عالم المليارديرات.. رسميا كريستيانو رونالدو بقى أول لاعب كورة في التاريخ يدخل نادي المليارديرات.
ثروته دلوقتي وصلت لـ مليار و٤٠٠ مليون دولار .. وده الرقم اللي أعلنته بلومبرج بعد ما جدد عقده مع نادي النصر السعودي في يونيو اللي فات.
العقد لوحده بيتقال إنه تعدى ٤٠٠ مليون دولار منهم ٢٠٠ مليون في السنة بين مرتب ومكافآت وكمان ٣٠ مليون مكافأة توقيع بس الفلوس مش بس من الكورة رونالدو بيكسب من الإعلانات والرعايات أكتر من أي حد في جيله شركته مع نايكي لوحدها بتدخل عليه ١٨ مليون دولار في السنة أما أرماني وكاسترول وباقي البراندات الكبار ضافوله حوالي ١٧٥ مليون دولار على مدار السنين.
ده غير الفلوس اللي جمعها من أول ما بدأ لعب لحد سنة ٢٠٢٣ واللي وصلت لأكتر من ٥٥٠ مليون دولار من المرتبات بس ورغم كل ده ولسه بيلعب ولسه بيحط أهداف ولسه بيقول إنه عايز يوصل لـ ١٠٠٠ هدف في مسيرته ونقصله ٥٤ جول بس عشان يحقق الرقم ده.
0 تعليق