فاكهة شكلها غريب وطعمها ملوش مثيل.. لونها أسود وسعرها أغلى من المانجو، ومع كده الناس بتدور عليها وبتسأل عنها في كل حتة!

فاكهة جديدة اسمها الجوافة الفرنسية أو زي ما البعض بيسميها جوافة الفراولة، بدأت تظهر في مصر وخلت الناس محتارة:

إزاي فاكهة بالشكل ده تتزرع عندنا؟ وإيه سرها؟

تخيل تبص على طبق فواكه وتشوف جوافة لونها أسود، صغيرة كأنها حباية عنب، وتشم ريحة قوية كأنها فواكه استوائية جاية من جزيرة بعيدة..
هتفتكرها نوع غريب أو فاكهة صناعية، بس لأ، دي فاكهة حقيقية جدًا، واسمها الجوافة الفرنسية.

الفاكهة دي أصلها من الهند، وهناك كانت مجرد جوافة عادية، لحد ما اتنقلت لفرنسا واتطورت بشكل طبيعي لواحدة من أندر الفواكه في العالم، ومن هناك بدأت رحلتها للعالم كله، لحد ما وصلت لمصر مؤخرًا.

أول ما ظهرت هنا، قلبت الدنيا! الناس شافوا صورها على السوشيال ميديا وبدأوا يسألوا:

"هو اللون ده طبيعي؟"، "هي دي فعلاً جوافة ولا نوع تاني؟"، خصوصًا بعد ما عرفوا إن الكيلو منها بيوصل لـ400 جنيه!

بس السر مش في السعر، السر في الفاكهة نفسها. لونها الخارجي بيبقى أسود غامق بيلمع لكن من جوه لونها أحمر مائل للوردي، وطعمها مزيج غريب بين الليمون والأناناس، منعش جدًا وسكره طبيعي خفيف.

الناس اللي داقوها قالوا إنها "مش شبه أي جوافة تانية" ومفيهاش البذور اللي بنضايق منها في البلدي.

الغريب كمان إن الشجرة اللي بتطلعها مش كبيرة، ارتفاعها ما بيعديش مترين، بس عمرها ممكن يوصل ل 100 سنة!
تقدر تزرعها في الجنينة أو حتى فوق السطح، ومش محتاجة رعاية خاصة ولا أسمدة غالية، يعني أي حد ممكن يزرعها بسهولة.

بس خليني اقولك ان القيمة الغذائية بتاعتها خرافية! فيها فيتامين “سي” أكتر من الجوافة العادية بـ10 مرات، وأربع أضعاف اللي في البرتقال، وكمان غنية جدًا بمضادات الأكسدة اللي بتقوّي المناعة وتحمي الجسم من الأمراض.

عشان كده بيسموها “فاكهة الرفاهية والصحة” في نفس الوقت

وفي مصر، بدأ فعلاً يظهر جيل جديد من المزارعين اللي بيهتموا بزراعة الفواكه النادرة، وخصوصًا الأنواع الاستوائية زي الجوافة دي

ده فيه مشاتل دلوقتي بتبيع شتلاتها بأسعار بتبدأ من 50 جنيه لحد 5000 جنيه حسب حجمها، وفيه ناس بتزرعها بس علشان شكلها المميز، كزينة في البيت أو فوق السطح.

أما عن الأماكن اللي بتبيعها، فهي لسه محدودة جدًا، وغالبًا بتلاقيها في الهايبرات الكبيرة أو محلات الفواكه المستوردة، وسعر الكيلو بيبدأ من 250 لحد 400 جنيه.

النهارده بقت “الجوافة الفرنسية” رمز للفخامة والتجربة الجديدة، وكل اللي داقها بيقول نفس الجملة: “مش ممكن دي تكون جوافة!”.