كشف كابتن سيد عبد الحفيظ، كواليس القرار بالترشح في انتخابات مجلس إدارة النادي الأهلي القادمة، والتي من المقرر انعقادها يومي 30، 31 أكتوبر الجاري.
ترشح سيد عبد الحفيظ في انتخابات الأهلي
قال سيد عبد الحفيظ: “كابتن محمود الخطيب هو اللي اختارني لدخول الانتخابات، وحاسس بمسئولية كبيرة أوي على عاتقي ويارب نكون موفقين”.
وتابع عبر برنامج الكورة مع فايق: “متكلمناش في أي حاجة قديمة، أنا معنديش حاجة شايلها أصلاً، إن حاجة قديمة تتربى وتكبر انا مش كدة خالص، أنا عاوز أشوف بكرة”.
وواصل: “الموافقة على التواجد في مجلس إدارة الأهلي، لأني حسيت إن ممكن يبقالي دور ويبقى عندك اختصاص أفيد بيه النادي وأنا مقتنع تماما بالعمل الجماعي”.
وأكمل: “يمكن ربنا يكون رايد يبقالي دور أساعد بيه النادي مع كابتن محمود، وباقي المجموعة ونضيف للنادي ونردله حاجة صغيرة، احنا كل حاجة حلوة في حياتنا الأهلي كان ليه فضل فيها بعد ربنا”.
وزاد: “الأهلي لازم يتوفر فيه حاجتين في الصفقات، الجانب المادي والعين اللي تقدر تختار اللاعب الكويس اللي يليق بالنادي الأهلي”.
وأتم تصريحاته: “المهم كمان إن اللاعب الموجود مهما كان إسمه، يكون عارف قيمة التيشيرت اللي هو لابسه، لأنه لو مش عارف ده هيتقاله مع ألف سلامة، والمهم هو العقلية اللي تناسب النادي وطبيعته”.
الاستعداد لانتخابات الأهلي
وقد أعلنت إدارة النادي عن اتخاذ ترتيبات استثنائية لتيسير عملية حضور الأعضاء من ذوي الهمم وكبار السن خلال انعقاد الجمعية العمومية يوم الجمعة المقبل بمقر النادي بالجزيرة، والتي تشهد إجراء انتخابات مجلس إدارة جديد يقود النادي خلال السنوات الأربع المقبلة.
وتتضمن الترتيبات توفير مرافقين المساعدة الأعضاء على التنقل بسهولة داخل مقار اللجان المختلفة، إلى جانب تخصيص كراسي متحركة على بوابات النادي لضمان راحتهم أثناء عملية التصويت.
وتأتي هذه الخطوة في إطار حرص إدارة النادي على تمكين جميع الأعضاء من المشاركة بفاعلية في العملية الانتخابية، وتذليل أي عقبات قد تواجههم خلال هذا اليوم.
0 تعليق