في واقعة أثارت موجة عارمة من الغضب بين طلاب كلية التجارة جامعة عين شمس، أشعل الدكتور فريد محرم الجارحي عميد كلية التجارة  جدلًا واسعًا بعد نشره كشوفًا بأسماء طلاب برنامج الدراسة باللغة الإنجليزية الذين لم يسددوا المصروفات الدراسية لهذا العام على الصفحة الرسمية للكلية، مهددًا بوقف قيدهم

الطلاب اعتبروا ما حدث مهزلة غير مسبوقة وانتهاكًا صريحًا لخصوصيتهم وكرامتهم، مطالبين بمحاسبة المسؤولين عن هذا التصرف الذي وصفوه بـ “المشين ”  والذي لا يليق بمؤسسة تعليمية عريقة.

ومازالت مهازل جامعة عين شمس مستمرة، حيث اثار الدكتور فريد محرم الجارحي عميد كلية التجارة جامعة عين شمس غضب طلاب  برنامج الدراسة باللغة الإنجليزية بعد نشر كشوف الطلاب على صفحة  كلية التجارة من الذين لم يسددوا المصروفات هذا العام مهددا بوقف قيدهم، مؤكدين أن ما حدث هو مهزلة  واهانة لجميع الطلاب 

إعلان هام وعاجل | لطلاب برامج الدراسة باللغة الإنجليزية 

يُطلب من طلاب برامج الدراسة باللغة الإنجليزية للعام الجامعي 2025-2026م، والوارد أسماؤهم في الكشوف المرفقة بهذا الإعلان، سرعة الدخول إلى حساباتهم الشخصية عبر منصة (UMS) لاستكمال إجراءات التسجيل (سداد المستحقات) عبر النظام، وذلك لضمان إتمام عملية القيد والتسجيل في العام الدراسي الجديد 

قالت شهد مينا اول مره اشوف حاجه زي كدا تنزل حقيقي ودا في قمه القرف وعدم التفكير ف الطالب فعلا دلوقتي وضحت اكتر انكم عايزين الطلاب تدفع فلوس واجبار حضور واساسا مفيش تعديلات ف الكليه ولا أي حاجه

عيب حقيقي تنزلوا حاجه زي كدا عشان مصاريف وتقللوا من دفعه mainstream english كلها بالشكل دا عشان المصاريف اصل الطالب مسجل عادي اشمعنا كرديت لما مكانوش بيدفعوا كان عادي سواء ترم ترمين حقيقي الوضع وحش لان انتوا بتضغطوا ع الطالب بطريقه بشعه سيبوا طلاب انجليش ف حالهم كفايه بجد قرارات كل شويه تدايق الطلاب كفايه أنهم عدد كبير بيحضر ف سكشن زي الغرفه المغلقه ومكتومه ولا في تكيف والمراوح بايظه والوضع سيء حقيقي عشان كمان تطالب بالشكل المبتزل دا

جامعة خاصة ربنا يرحمنا بجد

واضاف كيرلس رومانى، هو اي اللي بيحصل ده وازاي اساسا الاسماء تنزل كدا وازاي تجبرني ادفع المصاريف دلوقتي انا مش مكنة Atm حضرتك بجد احنا تعبنا وجبنا اخرنا كل شوية قرارات ملهاش لازمة مش فاهمين منها اي حاجه غير انكوا عاوزين فلوس بس بقيت حاسس اني بتعامل مع جامعة خاصة ربنا يرحمنا بجد

وقالت شيري الشامى، ما تنسوا يا رجاله ان في قسم انجلش بقي عشان تقريبا انتوا مفيش في دماغكوا غير لم فلوس بس تقريبا واحنا الجقيقه مش عارفين فلوسنا بتروح فين ولا تطوير سكاشن ولا تكيفات ولا حمامات وبقت حاجه مقرفه عين شمس ايه وبتاع ايه انتوا من اول يوم وعمالين تنزلوا ف قرارات ملهاش اي ٣٠ لزمه وملهاش معني ومحدش فاهم هي بتنزل ليه اصلا؟ ادفعلك ليه وايه الفايده الي بتعود عليا لما بدفعلك؟انتوا السنع دي مبتعملوش حاجه غير انكوا تقللوا من قسم انجلش وتطلعوا عينه بدون معني وسبب اصلا ده حتي احنا اكبر قسم عندكوا الي المفروض source الفلوس عندكوا، اجي للسيكشن الي قاعات ثانويه عامه كانت اكبر منه ولا اجي للتكيفات الي من ٢٠٠٧ ولا الحمامات الي اشبه بحمام بلدي! ما تحترموا عقولنا بقي شويه!!!!

كفاية قرارات غلط تعبنا 

موكة رياض وصفت ما حدث من إدارة الكلية والعميد بعملية الضغط المستمر كل شوية قرارات بتنزل تصدمنا اكتر من القرارات للي فاتتتيعني لو مدفعناش المصاريف مش هندخل امتحانات ولو محضرناش مش هندخل امتحانات وكله ضغط في ضغط وبس وابتزاز لينا وأسلوب ميجيش من جامعه كبيرة ليها اسمها علي التصرفات للي بتحصل ديه وعلي ابتزاز الطلاب بالمنظر ده كل شوية، هو فين مصلحتنا في اللي انتم بتعملوا ده بجد  ، ومحدش طلب أن المصاريف تكون اقساط علشان تعملو كدة ولو حد طلب ده مش معناه انكم تعممو لكل الناس، قائلة انا في جامعة حكومية مش جامعه خاصه ومش مطلوب مني ادفع المصاريف علي semester w semester احنا بندفع السنه كلها مرة واحدة هو مش فرض وعافيه وضغط علينا وعلي اهلنا كفايه قرارات غلط

يوم الحشر فى مدرجات كلية التجارة عين شمس 

وقالت الطالية  نور الحبشي، يا ريت تبصوا شوية لموضوع نسبة الحضور ده، كله هيبقي متضرر منه حتي الدكاترة مبتعرفش تشرح لما يبقي في زحمة شوية ما بالك لما تنزل كل الناس وميبقاش في مكان حتي الناس تقف فيه، واللي عندهم مشاغل والتزامات مالية اكيد بعد قرار زي ده هيبقوا مجبرين يسيبوا شغلهم واكل عيشهم، نتمني تحلوا الموضوع ده ف اسرع وقت لأن فعلا هيأذي ناس كتير اوي وهيبقي الضرر اكبر بكتير من الاستفادة

استغلال واضح 

مهند سعيد مستغربا اول مرة اشوف دكتور بينزل قرار يوضح فيه الاستغلال وان كل الي المهم الفلوس بالوضوح ده

ضغط كلية التجارة جامعة عين شمس مستمر 

وقال حازم إبراهيم، هو بجد مفهوم "دراسة القرارات قبل تطبيقها" ده مش بيمر علي ادارة الكلية ؟؟ يعني فيه قرارات بتحتاج تغيرات وتطبق تدريجي على مدار كذا سنة وقرارات مينفعش تطبق على دفعات بقالها ٣ سنين في الجامعة مثلا وجايين في اخر سنة وكل شوية نطلع بقرار يربك الدنيا، طيب سنة رابعة مثلا ما هو مش هيتخرج ويشتغل غير ببيان النجاح اللي مش هيطلع غير لما يدفع كل مصاريفه وياخد شهادته، ايه حوار القيد المعلق ده وايه حوار ال ٢٥ فالمية ؟ يعني الناس بتصيح انها عايزة المساحة عشان تعرف تدفع مصاريفها فا انتوا متردوش علينا وبعدها بأسبوع تضغطوا عليهم عشان يدفعوها ؟

هدفهم مادى مش تعليم..احنا اتخنقنا 

واضاف اياد أحمد، بصراحه انا بدأت اتخنق من كتر الحوارات شويه نقلب سكاشن وبعد الطلب نرجعها تاني

وشويه الي مش هيحضر بنسبه هيتحرم من الامتحان واخر حاجه معلقني ومش عايز تدخلني الامتحان عشان لسه مدفعتش خصوصا ك كليه هي مش عارفه هي منزله المصاريف دي بناء علي ايه احنا ف جامعه حكوميه ياجماعه ياريت تحترمونا شويه وتحترمو اهالينا يعني ننزل نشحت عشان نلملك الفلوس ولا ايه

إدارة الكلية عك فى عك 

الطالب محمود محمد الاداره الجديده للكليه دلوقتي كله عك ف عك كل الثقه اللي تعبتو فيها الشهور اللي فاتت دلوقتي اندثرت كلها، ازاي اسماء طلاب تترفع ع الملأ فين الخصوصيه ف الموضوع ما كل واحد عارف نفسه وعارف انه مدفعش شيلو طلاب انجليزي من دماغكو