أعلنت الفنانة بتول حداد، عن دخول واالدها لغرفة العمليات لإجراء عملية جراحية في القلب، طالبة من جمهورها ومتابعيها، الدعاء له بالشفاء العاجل.

بتول حداد تطلب الدعاء لوالدها

وكتبت الفنانة بتول حداد، تطلب الدعاء لوالدها بعد دخوله غرفة العمليات، وفقا لما رصده موقع تحيا مصر، عبر خاصية استوري صفحتها الرسمية على موقع التواصل الاجتماعي إنستجرام، قالت فيها: صباح الخير أرجو الدعاء لوالدي العزيز دخل العمليات يعمل قلب مفتوح أرجوكم تدعوله ربنا يسهلها عليه زي ما بيسهلها على كل الناس، ويقومه لينا بالسلامة ويتم شفاه على خير.

وخلال وقت سابق، كشفت بتول الحداد تعرض والدها لوعكة صحية مفاجئة أدت إلى دخوله العناية المركزة في أحد المستشفيات الكبرى، وكتبت عبر حسابها بموقع  إنستجرام: بابا في العناية المركزة وأنا للأسف مش جنبه، فضلًا ادعوا له يقوم بالسلامة ويخف ويخليه ليا، ادعوا له والنبي دا روح قلبي.

أزمة بتول حداد

وفي سياق آخر كانت الفنانة بتول حداد، قد خرجت خلال بث مباشر، تستغيث فيه لجمهورها قائلة: يا جماعة أنا بعمل اللايف ده، وبستغيث بقيادات الدولة، فيه شخص كان بتربطني بيه علاقة من فترة طويلة، والعلاقة دي رجعت تاني، والشخص ده مصمم يكون معايا بالعافية، والنهاردة كنت في خطوبة ناس صحابي، وللأسف جه، مد إيده عليا، وخدني من وسط الناس، عشان إحنا اتفقنا إننا منكملش مع بعض، عشان ده غلط، وده أنا مش عايزاه، هو بيستقوى عليا بمنصبه وأنا بستنجد بيكوا، والإنسان ده عايز ياخد مني بيتي وعربيتي، وجه ضربني وسط صحابي في الشيخ زايد.

وتابعت: كلمت ناس في قسم الشيخ زايد ينقذوني من اللي بيحصل ده كله، أنا في الشارع، وخايفة أروح بيتي، عشان الإنسان ده ميأذينيش، جالي خطوبة اتنين من أصدقائي، وعملي مشكلة، والناس لما شافوه بياخدني من وسطهم اتخانقوا معاه، وأنا نزلت جري، قعدت في عربيتي، عشان مش عارفة أروح فين، وعشان خايفة أروح بيتي، وخايفة على نفسي، وعلى صحابي، كلمته، قلت له لو عندك مشكلة معايا، تعالى حلها معايا، وبلاش فضايح قدام الناس، أنا معروفة، وأنت معروف، وبلاش تعمل كده، ضربني في العربية، ووشي وارم، ورقبتي وارمة، لدرجة إن الناس بتوع الباركينج شالوه من فوقي قبل ما يموتني.

آخر أعمال بتول حداد

وكانت آخر أعمال الفنانة بتول حداد، هو مشاركتها في مسلسل وتقابل حبيب، بطولة النجمة ياسمين عبد العزيز، والذي تم عرضه في موسم مسلسلات رمضان 2025.