في إطار الاحتفالات بذكرى نصر أكتوبر المجيد، نشرت وزارة الدفاع عبر قناتها الرسمية على موقع "يوتيوب" أغنية وطنية جديدة بعنوان "قادرين نحميها"، والتي شارك في غنائها فريد وهايدى موسى، وإيمان عبد الغنى، ومينا عطا، ومحمد عدوية، وأحمد جمال، ومن كلمات محمد جميل، وألحان وتوزيع إسلام زكى.

وجاءت كلمات الأغنية كالتالى:

مرة مسكت أنا قلمي وقولت أكتب عنوان
عن بلدي وعن أرضي وعن كل تاريخها زمان
فجأة كتبت أنا كلمة بتوصف مصر سنين
شمس الدنيا ونورها وباقية ليوم الدين
قادرين.. قادرين نحميها.. واثقين دايمًا في جنودنا
جاهزين.. جاهزين نفديها.. واقفين حاميين لحدودنا
حالفين.. حالفين نبنيها.. جايين نوفي بوعودنا
شايفين بكرة بعنينا.. شايفين بكرة في ولادنا
أكتوبر حافظينه.. عايش في الوجدان
والدرس مذاكرينه.. كل ولادنا كمان
نصر وكان بإيدينا.. مش محتاج لشهود
أرضنا رجعت لينا.. وقولنا بعلو الصوت
قادرين.. قادرين نحميها.. واثقين دايمًا في جنودنا
جاهزين.. جاهزين نفديها.. واقفين حاميين لحدودنا
حالفين.. حالفين نبنيها.. جايين نوفي بوعودنا
شايفين بكرة بعنينا.. شايفين بكرة في ولادنا
ياما يا بلدي عانيتي.. من أزمات وضغوط
ونجحتي وعديتي.. من غير شكوى وصوت
رغم الصعب ووقفتي.. وقصاد أي ظروف
وقدرتي وواجهتي.. من غير رهبة وخوف
قادرين.. قادرين نحميها.. واثقين دايمًا في جنودنا
جاهزين.. جاهزين نفديها.. واقفين حاميين لحدودنا
حالفين.. حالفين نبنيها.. جايين نوفي بوعودنا
شايفين بكرة بعنينا.. شايفين بكرة في ولادنا
مصر بلدنا أمانة.. عهد عليه حالفين
ادعوا وقولوا معانا.. ربي احفظها آمين
عمر وابني زيادة.. واحنا معاك واقفين
شعبنا عنده إرادة.. تبني المجد سنين
مصر بلدنا أمانة.. عهد عليه حالفين
ادعوا وقولوا معانا.. ربي احفظها آمين
عمر وابني زيادة.. واحنا معاك واقفين
شعبنا عنده إرادة.. تبني المجد سنين