تحدثت الفنانة إيمان العاصي عن تعاونها مع عدد من صناع مسلسل برغم القانون من بينهم الفنان محمد القس والذي يجسد دور زوجها النصاب خلال الأحداث، فضلا عن الفنان وليد فواز والفنانة محمد محمود عبد العزيز. 

إيمان العاصي عن محمد القس: كنت بكرهه بسبب شخصيته في برغم القانون

 وقالت إيمان العاصي خلال لقاءها مع الإعلامية إسعاد يونس في برنامج صاحبة السعادة والمذاع على قناة dmc ورصده موقع تحيا مصر متحدثة عن محمد القس: عملت حالة نفسية ليلى شهرين فمكنتش قادرة اتعامل معاه اول ما شوفته انا بكرهك ومش عارفة اتعامل معاك من وقت ما قرأت الورق هو بيذاكر كويس أوي وأما شوفت العرض قولتله هو مش سهل خالص الشخصية صعبة أوي هو مصدق نفسي اوي ومش حاسس أنه ظالم ولسة هو عنده نقط سيئة كتير جدا.

إيمان العاصي عن محمد محمود عبد العزيز: متربي 7  مرات 

وعن محمد محمود عبد العزيز، قالت إيمان العاصي: محمد محمود عبد العزيز مكسب رهيب ليا ومتربي ٧ مرات مش مرة واحدة، هو جميل ومتمكن جدا من الشخصية ومحدش عارف يتعاطف معاه ولا يبقى ضده خاصة بوسه البيبي فيس ده.

أما عن وليد فواز، فقالت إيمان العاصي: وليد بالنسبة ليا اختراع هادي وراسي وعنده حضور خطير ومتحسيش بيه ومش شكاي خالص ولو عنده مشكلة بيحلها بهدوء كدة.. قمر.

إيمان العاصي تكشف عن صعوبات مسلسل برغم القانون

وتطرقت بالحديث عن كواليس تصوير مسلسل برغم القانون والصعوبات التي واجهتها أثناء التصوير، قائلة: قعدت برة بيتي 18 يوم وانا مش بعرف أنام الا على سريري وفي حضن بنتي كنت بنام قليل جدا في التصوير، وكنت بتعذب وبعيد عن البيت بحس بصعوبة ومأساه، وكنت بلاقي صعوبة بسبب  بعدي بنتي وكنت بتنازل عن بعض الحاجات بسبب انها لوحدها فكنت بخليها تسافر وانا معاها وتنزل الويك اند وأنا مش معاها وريتاج بتنام في حضني لحد دلوقتي.

وعن أصعب المشاهد التي واجهتها، سلطت الضوء على مشهد إجهاض طفلها، قائلة: كانت العيادة وكل حاجة حقيقية تعبت بعد المشهد ده وقعدت يومين ما أكلش، كنت حاسة أنه في حجر على قلبي طول التصوير من صعوبة المشاهد.