بتنتج نص الياسمين الموجود في العالم.. وديور وشانيل بيستوردوا العطور الخام منها.. قرية مصرية وصلت للعالمية: بسبب الياسمين.

تخيل كدا معايا أن البرفيوم اللي بتشتريه من شانيل وديور وافخم براندات العطور أصله من مزارع مصرية.

وده مش تخيل قرية مصرية صغيرة وصلت للعالمية...بتنتج  نص الياسمين الموجود في العالم وقالوا عليها قلعة الياسمين.. بتنافس اكبر. الدول سواء بالجودة اللي مافيش منها اتنين أو بالزيوت العطرية اللي بتخلي اكبر شركات البرفيوم في باريس والدول الكبيرة يحولها من كل مكان ويدفعون فيه ملايين الدولارات.. يا ترى القرية ديه فين وايه حكايتها تعالوا نعرف.

شبرا بلولة قرية صغيرة في الدلتا بس لوحدها بتنتج أكتر من 60٪ من ياسمين العالم يعني من الآخر نص ريحة البرفانات اللي في أوروبا جاية من هنا من الأرض دي.. من الريف المصري البسيط.

شبرا بلولة بتزرع حوالي 257 فدان ياسمين وبتنتج في الموسم الواحد حوالي 2500 طن زهور وده بيساوي ملايين الزهور اللي بتتقطف كل يوم على إيد ناس كل حياتهم ومكسبهم  من ورا الورود ديه.

والمبهر بجد إن  الياسمين ده بيتصدر لأكبر ماركات العطور في العالم زي شانيل وديور وإيف سان لوران وشاليمار وكلهم معتمدين على الزيت اللي طالع من الورود دي.

بس الموضوع مش بالسهولة ديه ولا مجرد قطف وتصدير وخلاص وفيه مراحل كتير بتمر بيها من اول الزراعة أحد القطف لحد الزيوت اللي بتطلع منها.

الناس هناك بيصحوا من قبل الفجر الصغيرين من سن 7 سنين بينزلوا يقطفوا الزهور في عز الضلمة وظه لأنها لازم تتقطف قبل الشمس ما تطلع ولو الشمس طلعت عليها خلاص راحت ريحتها.

ده غير أنها علشان تطلع كيلو واحد زيت لازم يتقطف حوالي 6 مليون زهرة وكل زهرة لازم تتقطف بإيد خفيفة وبحذر عشان متخسرش زيوتها وده اللي بيخليهم يبيعوا العطر الواحد بـ 150 أو 200 دولار وفي نفس الوقت الشخص اللي بيقطف 3 كيلو كاملين مش بياخد غير 90 جنيه بس.

شغلانة صعبة بس هي مصدر رزق لآلاف من الأهالي خصوصًا الستات وكبار السن.

شبرا بلولة مش بس مصدر للياسمين لكن كمان بقيت رائدة في تطوير تقنيات استخلاص الزيت بشكل طبيعي ومن غير مشتقات بترولية.

وده خلى المصنع هناك يسبق كتير من المصانع العالمية وبدأت شركات العلاج بالعطور تعتمد عليه...  حتى سنة 2020 لما السوق وقع بسبب الكوفيد المصنع ده قدر ينقذ الصناعة دي في مصر ويخلي المزارعين يقدروا يبيعوا إنتاجهم وعلى الرغم من إن مفيش اسم شبرا بلولة على أي برفان عالمي لكن العالم كله عارف انها جاية من هنا من قرية صغيرة في مصر صنعت لنفسها اسم كبير في عالم العطور.