اعتذر الفنان اللبناني وائل جسار عن حفله بمهرجان الموسيقى العربية، الذي كان مقررا 12 أكتوبر، بسبب الأحداث التي تشهدها لبنان حاليًا من قصف الاحتلال الإسرائيلي المستمر على الضاحية الجنوبية لبيروت.

وقال وائل جسار خلال مداخلة هاتفية مع الإعلامية كريمة عوض، ببرنامج «حديث القاهرة»، المُذاع عبر شاشة «القاهرة والناس»: «إحنا بنسمع الضرب بشكل مخيف جدا ومبنامش الليل من اللي بيحصل عايشين في رعب وخوف، إحنا لسه نايمين على السرير بس فيه ناس نايمة على الطرق وموجوعة ومبتاكلش.. هما بيعملوا حصار علينا لكن إحنا إن شاء الله هنكون منتصرين».

وأضاف: «أنا اعتذرت عن مهرجان الموسيقى العربية مع أنه كان ليا الشرف إني أكون بمهرجان الموسيقى العربية وفيه كتير من الفنانين يتمنوا أنهم يصعدوا على مسرح دار الأوبرا لكن لبنان موجوع وإحنا نفسيا متدمرين.. هنعمل حفل إزاي والناس متشردة الناس بتستشهد وإحنا هنطلع نغني! دي حاجة صعبة جدا».

وأشار: «كان حلم من أحلامي إني أكون على ركح دار الأوبرا.. لكن أكيد الشعب المصري كله معايا في القرار ده وبعتذر للكل».

أما عن مساندة مصر وشعبها للشعب اللبناني، فقال: «مصر دايما واقفة جنب لبنان والعرب جميعا، مصر بلد عظيمة وبتحس بوجع الناس خصوصا الشعب اللبناني».