هو إيه اللي بيحصل في سوق الذهب؟ وليه الأسعار بتتهاوى بعد ما كان سعر الدهب بيصعد بشكل يومي؟ ولو أنت معاك دهب تبيع؟ ولا تستنى ؟ وهل ده الوقت المناسب للشراء.

ولحد نهاية 2025.. الدهب رايح على فين؟ طالع ولا مكمل نزول؟ الأسئلة دي هي أكتر حاجة الناس عاوز تعرف إجاباتها.

خد بالك الدهب مش بينزل من فراغ فيه اسباب كتير  وأول سبب الدولار رجع يقوى تاني بعد ما توقعات الفيدرالي الأمريكي بخفض الفايدة اتأجلت والأسواق بدأت تسعّر إن الخفض مش قريب بالشكل اللي الناس كانت متخيلّاه..و القوة دي بترجع جزء من الفلوس اللي خرجت من الدولار للدهب.

تاني سبب.. عوائد السندات الأمريكية طالعة.. ولما السندات يبقى عائدها مغري المستثمرين بيبيعوا دهب ويروحوا للسندات لأن الأخيرة بتدي فائدة والدهب صفر عائد.

" title="الدهب رايح فين وتبيع دلوقتي ولا تشتري ؟.. هنقولك الخلاصة" frameborder="0">

تالت سبب..  التهدئة النسبية على ساحة الجغرافيا السياسية.. مافيش تصعيد جديد كبير ومع كل مرة المخاطر تهدى الدهب يفقد جزء من سعر الخوف.

دلوقتي السوق في مرحلة تصحيح مش انهيار كامل.. الهبوط اللي حصل مش معناه إن قصة الدهب خلصت.. بالعكس الطلب من البنوك المركزية لسه قوي وبالذات من الصين والهند ودول الخليج اللي بتزود احتياطياتها من الدهب كجزء من خطط تنويع بعيد عن الدولار.

نيجي بقى للسؤال اللي ناس كتير واقفة عنده أبيع ولا أستنى؟
لو أنت شاري قريب من القمة فالبيع تحت مش أحسن قرار إلا لو محتاج سيولة عاجلة.. لكن لو أنت مشتري من قبل الطلوع الكبير فانت مازلت في مكسب.. أما اللي ماعهوش دهب فالدهب لما ينزل ده مش خبر وحش ده فرصة دخول بس مش عشوائي لازم يبقى دخول على مراحل مش مرة واحدة.

تعال نبص على توقعات نهاية 2025 التوقعات العالمية مش متفقة بنسبة 100% لكن أغلب بيوت الخبرة شايفة واحد من سيناريوهين.

السيناريو الأول والأقرب.. الفيدرالي الأمريكي يبدأ خفض الفايدة تدريجي من النصف الأول 2025 ومعاه يرجع الدهب يزيد من جديد.

السيناريو الثاني الأقل احتمال..  لو أمريكا مددت الفايدة العالية والدولار فضل قوي ساعتها مكاسب الدهب تتأجل.

طب أنا كمستثمر أتعامل إزاي عمليًا؟

لو معاك دهب مش مضطر تبيع بالسالب استنى الدهب أصل طويل الأجل مش مضاربة يومين.. لو عايز تشتري اشتري تدريج  قسم المبلغ على 3 أو 4 دخول علشان لو نزل تاني تبقى لسه عندك فرصة تعزز مكسبك .. لو أنت مضارب مش مستثمر ركّز على الدولار مش على الدهب نفسه لو الدولار يطلع الدهب غالبًا ينزل والعكس.