وزارة التموين قررت تضيف عبوة زيت جديدة على مقررات السلع التموينية، وده غير العبوة القديمة اللي الناس كانت بتاخدها كل شهر.

العبوة الجديدة حجمها حوالي 700 مللي، وسعرها حوالي 27 جنيه، ودي هتكون متوفرة بجانب العبوة القديمة اللي حجمها 800 مللي وبسعر 30 جنيه.

وبعد ما العبوة الجديدة دي اتضافت في ناس بتسأل هو نصيب الفرد هيكون كام؟

التموين بتصرف عبوة زيت واحدة لكل فرد في البطاقة، يعني لو بطاقتك فيها فردين، هتاخد عبوتين زيت، ولو فيها 3 أفراد، هتصرف 3 عبوات ولو 4 فأكتر هتاخد 4 عبوات فقط.

إضافة العبوة الجديدة ده جاي عشان يوفر خيارات سعرية للمواطنين مع استمرار صرف باقي السلع الغذائية ضمن قيمة الدعم المخصص لكل واحد على البطاقة.