يا ترى إيه اللي بيخلي مصر في الفترة دي تحديدًا تشتغل ليل نهار في أعماق البحر والصحرا عشان الاكتشافات البترولية؟ وإيه السر ورا إعلان الوزارة عن 18 كشف جديد للبترول والغاز في الفترة اللي فاتت ولسه في اكتشافات تانية بتنضم للإنتاج زي ما أُعلن مؤخرًا؟ وهل الاكتشافات دي هي ورقة الإفراج عن العملة الصعبة اللي محتاجينها؟ وهل هتنهي أزمة انقطاع الكهربا وتضمن تشغيل مصانعنا بكامل طاقتها؟

أول حاجة لازم تعرفها ان القصة مش حفر عشوائي.. القصة كلها خطة دولة ماشية بخطوات مدروسة عشان تحول البلد لمركز إقليمي للطاقة.. الخطة ماشية في 3 مسارات رئيسية.

المسار الأول.. الاستثمار الأجنبي المباشر.. مصر وقّعت 11 اتفاقية بحث واستكشاف في 2024 - 2025 مع لاعبين كبار زي إكسون موبيل وبي بي وشيفرون.. الاستثمارات المتوقعة 7.2 مليار دولار لحد 2030، ومخطط حفر أكتر من 110 بئر استكشافي السنة الجاية.. والشركات لما بتيجي بتدخل دولارات للبلد وترفع الاحتياطي.

المسار التاني.. وضع الكشوفات على الإنتاج فورًا.. تم ربط 13 كشف جديد بالفعل على الشبكة بإنتاج فعلي مش بيانات على الورق.

" title="الغاز المصري راجع تاني للساحة.. مصر بتخطط لإيه في مجال الاكتشافات البترولية؟" frameborder="0">

المسار الثالث: تطوير البنية التحتية.. وده بيشمل تطوير معامل التكرير وخطوط الأنابيب ومصانع الإسالة عشان أي كشف يطلع يلاقي مكان يتعالج ويتصدر.. احنا مش بنكتشف بس احنا بنجهز البلد تستقبل العائد.

وفيه محور مهم لاهتمام الدولة بالاكتشفت البترولية وهو محور العملة الصعبة.. مصر بتستورد وقود بالعملة الصعبة برقام ضخمة جدا ولما الإنتاج المحلي يزيد الاستيراد يقل… وده معناه مليارات كانت بتخرج برا هتفضل جوه السوق المحلي.

والفائض بيتصدر خصوصًا الغاز المسال وده دخل مباشر بالدولار يقوي الجنيه.. والاكتشافات دي هدفها ترجع إنتاج البترول والغاز لمستويات أقوى بحلول 2025.

ومينفعش نغفل أمن الطاقة والكهربا والمصانع.. المصانع محتاجة طاقة مستقرة علشان تنتج وتصدّر ومحطات الكهربا معتمدة على الغاز.. زيادة الإنتاج المحلي تعنيتشغيل المصانع بكامل طاقتها وفتح فرص عمل، وتوفير احتياجات الكهربا وإنهاء مشكلة الانقطاع الصيفي ، وتقوية مكانة مصر إقليميًا كنقطة طاقة تربط الشرق بالغرب.

باختصار اكتشافات النفط والغاز هي اللي هتوفر للدولة قوة تفاوض وسيولة دولارية وتضمن استمرار عجلة الاقتصاد.

صحيح الطريق طويل بس المؤشرات واضحة إننا ماشيين صح.. والاكتشافات دي مش مجرد أرقام دي تذكرة عبور لمرحلة اقتصادية جديدة فيها اكتفاء ذاتي من الطاقة وقوة في العملة واستدامة في التنمية.