أكد الفنان خالد الصاوي على أنه كان يسعد برؤية شخص يشبهه في الماضي، ولكنه حاليا ينزعج، وذلك من خلال منشور عبر حسابه الشخصي على موقع تبادل الصور والفيديوهات إنستجرام.

خالد الصاوي: بما كنت بقابل حد شبهي زمان ببقى مبسوط.. دلوقتي بتعكنن

وقال خالد الصاوي في مقطع فيديو رصده موقع تحيا مصر: زمان لما كنت اسمع حد يقولي مثلا عايزك تقابل واحد شبهك بالظبط فكنت ببقى متشوق، وعادة ببقى مبسوط لأني بقابل واحد شبه رياضي شبه وسيم شبه أصلع ومناخيره كبيرة.

وتابع خالد الصاوي: والحقيقة دلوقتي الوضع اتغير بقيت اتعكنن لأني بقابل واحد خنشور، تخين، مناخيره كبيرة بردو، بس من باب التجويد لابس نضارة وأحفاده بيحبوني وهي دي يمكن الحسنة اللي فيه.

خالد الصاوي يتحدث عن معاناته مع فيروس سي

وسبق وأن كشف الفنان خالد الصاوي عن معاناته مع فيروس سي في فترة ماضية من حياته، وذلك من خلال حوار له ببرنامج ab talks مع الإعلامي أنس بوخش، المذاع عبر موقع الفيديوهات العالمي يوتيوب.

وقال خالد الصاوي: خفيت من فيروس سي، تم ترشيحي لفيلم عمارة يعقوبيان قابلت مروان حامد قالي لازم تخس شوية عشان الدور فروحت لدكتور خبير التغذية اللي هيتولى الموضوع دا فاداني شوية تحاليل، ولما عملتها وقعدت اتوسع في التحاليل لغاية ما طلعلي حاجة مش فاهمها فروحت لدكتور باطنة وكبد وقالي انت عندك فيروس سي ولما قالي كدا الدنيا كانت بتلف بيا.

واضاف: وكان عندي صديقة وقتها قبل الجواز طبعا قولتلها مش هقابلك اليومين دول عشان مكنتش اعرف بينتقل ازاي، ووقتها كنت بكسب ألف جنيه في الشهر، وساكن بـ 900 جنيه وعايش بـ 100 والعلاج في الوقت دا كان 4 آلاف جنيه في الشهر، وقعدت فترة مش بقول في السوق أنه عندي لأني كنت متخيل أنهم لو عرفوا مش هيشغلوني، قولت لأبويا ومقولتش لأمي واختي عشان ميتخضوش لغاية ما عرفت حجمه، هو فيروس ضعيف جدا بس خبيث جدا.

أخر أعمال خالد الصاوي في السينما

ومن الجدير بالذكر أن أخر أعمال خالد الصاوي في السينما فيلم رحلة 404 والذي تدور أحداثه قبل أيام من سفرها إلى (مكة) لأداء فريضة الحج، تتورط (غادة) في مشكلة طارئة، فتلجأ لأشخاص من ماضٍ ملوث كانت قد قطعت علاقتها بهم، من أجل جمع مبلغ مالي كبير، وتتوالى الأحداث.