تفتكر لو قولنالك إن في حتة جوه مصر بقت فيها أكتر من 185 شركة صينية هتصدق.. خليني اقولك أن ده مش تخيل ولا حاجة..  احنا بنتكلم عن المنطقة الاقتصادية الصينية المصرية تيدا اللي موجودة تحديدا في منطقة قناة السويس واللي بقت دلوقتي منصة صناعية عالمية باستثمارات صينية عدت الـ3 مليار دولار.. انت متخيل الرقم.. طب إيه تيدا، وإيه اللي بيحصل فيها ده اللي هنعرفه.

المنطقة دي مش بس فيها مصانع وخلاص لأ دي موفرة حوالي 10 آلاف فرصة شغل مباشرة وده رقم مش قليل خالص خصوصًا في وقت الناس بتدور فيه على أي فرصة.

ده غير أن المنطقة لسة بيحصل فيها توسعات جديدة آخرها كان إضافة حوالي 3 كم مربع وده باستثمارات وصلت لـ100 مليون دولار علشان يستقبلوا صناعات متطورة أكتر خصوصًا في مجالات الطاقة الجديدة والمواد المتقدمة وفي مصانع هناك بتنتج كابلات ومواسير وأجهزة منزلية والمكون المحلي فيها وصل لأكتر من 70 في المية يعني شغل بجد مش مجرد تجميع وده بيأكد إن المنطقة دي بقت نموذج حقيقي للتكامل الصناعي.

" title="فيها اكتر من 185 مصنع مدينة مصرية بتجمع المصانع الصينية باستثمارات تتجاوز 3 مليار دولار إيه حكاية" frameborder="0">

وكمان بتساعد في ربط الإنتاج المصري بأسواق حوالينا في المنطقة يعني بدل ما نصدر خام بنصنع ونصدر منتج نهائي وده بيقوي الاقتصاد وبيفتح أبواب تصدير جديدة المنطقة دي تعتبر من أهم الحاجات اللي بتحصل في مصر دلوقتي.

وده لأنها بتخلي البلد مركز جذب للاستثمار الأجنبي وخصوصًا من الصين اللي علاقتها بينا بقت أقوى من أي وقت فات وباختصار تيدا مش مجرد منطقة صناعية دي بوابة مصرية على السوق العالمي وكل ما تكبر أكتر كل ما فرصتنا إحنا كمصريين تكبر معاها.