من بعد ما أسعار البنزين زادت، الناس كلها بقت بتسأل: هو كده الخضار والفاكهة كمان أسعارهم هتزيد؟
اللي أكد المعلومة دي هو حسين أبو صدام، نقيب الفلاحين، وقال إن فعلاً الأسعار هتعلى بنسبة ممكن توصل لـ 10% في الأسواق.. والسبب في ده هو ان تكلفة الزراعة نفسها بقت أغلى أجرة الجرار زادت، ومعدات الري بقت بتكلف أكتر بعد ما السولار غلي.
غير كده كمان، أسعار السماد والتقاوي والمبيدات كلها بقت نار .. يعني ببساطة، المزارع بيدفع أكتر، فطبيعي المنتج في السوق هيزيد.
فـ لو نازل السوق اليومين دول، متستغربش لو كيلو الطماطم أو البطاطس زاد شوية.. الزيادة شكلها مش كبيرة، بس أكيد هتتحس في جيب كل بيت.
0 تعليق