احنا في شبه دولة ولازم نخليها دولة قوية ونبنبيها صح.. فاكرين الكلام دا ومين اللي قاله.. ازاي الرئيس السيسي نجا بمصر من طوفان الفوضى اللي غرقانة فيه المنطقة وازاي قدرنا نواجه الصدمات ونعبر العواصف وايه السيناريوهات الصعبة اللي كانت هتحصل لو السيسي أتأخر في بناء الاقتصاد الحديث لمصر... تابعونا للآخر وهتعرفوا التفاصيل في التقرير ده خليكم معانا للآخر
عاوزين نعرف الحكاية بدأت ازاي في مصر.. القصة بدأت بعد أحداث 2011 لما مصر دخلت نفق مجهول ومحدش كان عارف آخرته ايه وبعدها لما البلد راحت في نفق مظلم تاني لما سيطرت عليها جماعة في غفلة وشافت مصر سنة من أصعب السنين والبلد كانت تقريبا فلست أو على وشك الإفلاس لغاية ما حصل والشعب رفض حكم الإخوان واسقطهم وبعد فترة انتقالية المصريين اختاروا الرئيس السيسي عشان يرجع يوقف البلد تايم على رجلها وعشان كان اكتر انسان في مصر عارف المخاطر اللي بتواجه البلد وقتها والرئيس السيسي كان صريح جدا مع المصريين في أول يوم وقالهم الطريق صعب وأننا في شبه دولة وإنه مش هيسمح إن مصر تفضل كده وأقسم إنه هيرجعها قوية وعفية وهيبنيها صح مهما كلف الأمر..
السيسي عشان يبني اقتصاد حقيقي كان لازم يبدأ بالبنية الأساسية عشان يقدر يحي قطاع الاستثمار ويجذب رؤوس الأموال الأجنبية وفعلا صرف على المشروعات دي اكتر من 10 تريليون جنيه وكان المصريين اول مرة يسمعوا بالترليون جنيه واشتغل الرئيس السيسي وبدأ بقناة السويس الجديدة وبالتزامن معاها بدأت مشروعات الطرق والمحاور المرورية والسكك الحديدية والكهرباء والموانئ والزراعة والمدارس والمستشفيات والمرافق العامة والاتصالات والإسكان والمدن الذكية وكل دا كان بيتم في وقت واحد تقريبا ونفذت مصر آلاف المشروعات الصغيرة والمتوسطة والضخمة في ما قطاعات الحياة.
الغريبة إن الرئيس السيسي كان مصر على إنه يسبق الزمن والمشروع اللي كان بياخد 5 سنين كان بيتنفذ في سنة واحدة وكأنه كان عارف إن فيه خطر جاي ولو مصر في وقت الخطر مقدرتش تقف على حيلها وتعتمد على نفسها هتضيع في فوضى هتضرب المنطقة كلها وكلما فاكرين وقتها الكلام اللي كان بيتقال على الرئيس زي ليه بيعمل الطرق دي كلها ومصر بقت كباري ومحاور وليه بيشتري كل الأسلحة دي عشان يسلح الجيش واحنا مش. هنحارب وفلوس البلد اللي بتروح في مشروعات ملهاش لازمة لكن الأيام أكدت أن السيسي ربنا بعته في الوقت المناسب عشان نقدر نعدي من الايام الصعبة اللي بتعيشها المنطقة دلوقتي.
عشان تعرف النعمة اللي احنا فيها دلوقتي تعالوا نتخيل السيناريو الأخطر اللي كان هيواجه مصر وتخيل كده لو اقتصادك لسه ضعيف ومعندكش مشروعات عملاقة ولا قطاع زراعي بيوفرلك اغلب المحاصيل الاساسية ولا عندك استثمارات ضخمة وقفت الاقتصاد المصري على رجل ولا عندك بنية تحتية ولا عندك جيش قوي يحمي حدودك وثرواتك ولا عندك استقرار مالي ولا خطط تنمية اكيد النتائج ساعتها كانت هتكون كارثية والواقع دلوقتي بيقول إن مصر قدرت تعبر العواصف نتيجة تعب السنين اللي فاتت في البناء والتشييد والتعمير والتصنيع والزراعة والاستثمار وهو اللي نفع مصر دلوقتي.
