حرصت الفنانة ميران عبد الوارث على أحياء ذكرى وفاة والدها أحمد عبد الوارث والتي تحل اليوم الثلاثاء الموافق 15 من شهر أكتوبر الجاري، مشيرا إلى أنها فقدت العمود والنصف الثاني الذي كانت تستند عليه.
ميران عبد الوارث تحيي ذكرى وفاة والدها أحمد عبد الوارث بكلمات مؤثرة
ونشرت ميران عبد الوارث صورة لوالدها عبر حسابها الرسمي بموقع التواصل الاجتماعي فيسبوك وعلقت عليها في منشور رصده موقع تحيا مصر: زي الليلة دى من ٦ سنين مكنش جايلي نوم برضه عشان مكنتش عارفه هاصحي اشوفه تانى ولا هتبقى كانت اخر مرة خلاص كان مجرد احساس من قوته افتكرته تهيئات او مخاوف.
وتابعت: سبحان الله بقالى ٦ شهور او اكتر منعتي زي الفل ضِعفت امبارح وعييت كأن مهما بتمر السنين الجسم مسجل انه فى اليوم ده هيتعب ف فكل سنة، فى نفس اليوم ده بعيشها من اول وجديد زي الليلة من ٦ سنين فقدت عمود من عواميد تعريفى لنفسي نصي التانى والاهم فهمت يعنى ايه تعب ويعنى وجع ويعنى ايه هم بس فى نفس الوقت.
ميران عبد الوارث: مكنش عايزني امسك في حد غيره
وتابعت ميران عبد الوارث: زي الليلة دى من ٦ سنين هو راح وجيت انا كسر كبير بس زي مابيقوله دخل نور اكبر لان مهما كان الوجع فاللهُ اكبر اكبر من كل شئ وهو صاحب كل شئ وطالما ده اللى قدره يبقى انا تمام، وفعلاً زى الليلة دى من ٦ سنين حصل اكتر حاجة كنت بخاف منها وبسببها تحررت وعقلي هدى وقلبى ارتاح عشان اللى كنت طول عمرى ماسكه فيه راح ففهمت انه مش عايزنى امسك فى حد غيره سبحانه مات الوالد واتولد طفل جديد.
واختتمت ميران عبد الوارث: زي الليلة دى من ٦ سنين فقدت ابويا وعرفت انا مين ومن عرفَ نفسه، عرف ربه اللهم لك الحمد على نعمة الوعي. رحم الله كل احبابنا المسلمين اللهم امين، ارجو الدعاء لوالدي بالرحمة والمغفرة شكرا.
آخر أعمال ميران عبد الوارث
يذكر، أن آخر أعمال ميران عبد الوارث مشاركتها في مسلسل عمر أفندي والذي خاضت بطولته إلى جانب كلا من النجوم أحمد حاتم، رانيا يوسف، آية سماحة، مصطفى أبو سريع، محمد رضوان، محمود حافظ، وغيرهم، والمسلسل من تأليف مصطفى حمدي، وإخراج عبد الرحمن أبو غزالة، ودارت أحداثه حول حبكة درامية مميزة ما بين العصر الحالي والأربعينيات لـ أحمد حاتم الذي يقع في حب آية سماحة في هذا العصر ولكن في لحظة تنقلب الأحداث ويعود أحمد حاتم للأربعينيات مرة أخرى، ويدخل مسلسل عمر أفندى في إطار الإثارة والتشويق.
0 تعليق