أعلن المطرب أبو تأجيل طرح أغنية الحرب العالمية والتي كان من المقرر أن يطرحها اليوم الأربعاء وذلك بسبب الظروف الصعبة التي تمر بها لبنان في الوقت الحالي، مشيرا إلى أن موقفه لا يعني بالضرورة قيام أي فنان بذلك لأن الفن هو من يخرج الأشخاص من حزنهم وهمومهم.

أبو يعلن تأجيل طرح أغنية الحرب العالمية 

ونشر أبو فيديو عبر حسابه الرسمي بموقع تبادل الصور والفيديوهات انستجرام، ورصده موقع تحيا مصر، قال فيه: النهاردة كان المفروض تنزل أغنية الحرب العالمية، وأنا بعتذر لكم بسبب الأحداث الإرهابية اللي بتحصل من الكيان المحتل في لبنان.

وأكد: بس ده برضه ياخدني لموضوع إن الفن سواء المرئي أو المسموع.. فيلم تمثيلية، لوحة فنية، أي كان نوع الفن، يعتبر النفس اللي بتاخده الناس بعد زحمة الحياة والتفاصيل والمشاكل اللي بيعيشوها في حياتهم اليومية، بيبقى الواحد عايز ياخد براح ونفس إن يروح يقرأ قصة أدبية أو يتفرج على تمثيلية أو يسمع أغنية أو يحضر حفلة.

أبو: تأجيل طرح أغنية الحرب العالمية قرار شخصي ومش لازم كله يعمل زيي

واختتم أبو حديثه، قائلا: أنا اللي اخترت تأجيل الأغنية دي بصفة شخصية بعد ما كان عندي مكالمات مع أصدقائي في لبنان، وشوفت إن الدنيا عندهم بجد صعبة.. حسيت إني مش هقدر أنزل الأغنية، بس ده مش معناه إن أي حد هينزل أي عمل فني غلطان في أي حاجة، لأن زي ما قولت لكم الفن هو الحتة اللي الناس بتروح لها عشان تهرب من صعوبة واقع الحياة.

آخر أعمال المطرب أبو 

يذكر، أن آخر أعمال المطرب أبو طرحه لأغنية بتغيري ليه من كلمات تامر حسين، وألحان شادى حسن، وتوزيع موسيقى أمين نبيل، ومن توزيع شركة "ديجيتال ساوند".

وتقول كلماتها: بتغيري ليه بتغيري ليه اللي انشغل بيبان عليه مش كنتي عامله فيها مش مهتمه ايه ايه الي جد مالك اتكسفتي ليه  داري داري داري والله مهما تداري حب علي المتداري  مالي بالي فيه  داري داري داري والله مهما تداري حب علي المتداري  وانتي بينتيه هتمثلي  طب مثلي قالي يعني قال لا كملي انا بستفزك و انتي عارفه انا قصدي ايه  ولا يحلي في عيني الا الا الحلوه دي   بتغيري ليه بتغيري ليه بتغيري ليه بتغيري تغيري تغيري تغيري تغيري ليه تاني  داري داري داري والله مهما تداري حب علي المتداري  مالي بالك فيه  داري داري داري والله مهما تداري حب علي المتداري  وانتي بينتيه.