تصدر اسم المطرب رامي صبري ومغني الراب ويجز محركات البحث الاجتماعي الساعات الماضية بعد النزاع الطويل بينهما وذلك بعد تصريحات الأول عن الأخير في أحد البرامج التليفزيونية ليتسع الأمر ويتدخل عدد من نجوم الموسيقى والغناء لحل النزاع بينهما.
ويجز ساخرًا من رامي صبري: ده زي ابني بالظبط وقمور ومجتهد
تدخل المؤلف تامر حسين بين الثنائي ويجز ورامي صبري لحل النزاع بينهما، حيث أرفق منشور عبر حسابه الرسمي على موقع التواصل الاجتماعي فيسبوك محاولًا توضيح الأمر لكلًا منهما وقابل رامي صبري منشور تامر حسين بصدر رحب وبادر بصلح مغني الراب ويجز، ولكن كان المفاجئ هو رد ويجز على منشور تامر حسين حيث جاء رده الذي يرصده موقع تحيا مصر ساخرًا من المطرب رامي صبري وكأنه غير راضي عن الصلح، حيث كتب: "حصل خير يا جماعة راني صبري ده زي ابني بالظبط وهو شطور وقمور ومجتهد أنا بس ف اللقاء كنت حاسه كدة بيجامل من ورا قلبه عشان الجمهور ميغلطهوش وفرق اجيال بقي مش بفهم حاجة منه خالص ف تلاقيني مخدتش بالي".
بعد منشور تامر حسين.. رامي صبري يبادر بصلح ويجز
ويأتي منشور ويجز بعد مبادرة رامي صبري بالصلح حيث كتب عبر حسابه الرسمي على فيسبوك ردًا على منشور تامر حسين وكتب: "حصل خير ويجز ده زي اخويا الصغير وأنا مسامحه ومفيش بينا خلاف"، وكان نشر تامر حسين عبر حسابه على فيسبوك موجهًا رسالة إلى رامي صبري: "شهادتي فيك مجروحة انت صوت عبقرى مش محتاج رأيى وخطواتك ماشاء الله لطريق النجاح بتكبر وتزيد وكل سنه عندك هيت ناجح ومكسر الدنيا ولسه شايف ترتيب أنغامى أنت رقم ٢ ف الإستماع بعد الهضبه البوم مكانك وفى الصدارة".
وتابع: "تصريح مش موفق مِن ويجز رغم انى شفت له أكتر من لقاء كان راجل مُثقف ومُهذب جايز يكون واخد على خاطره ُ أو فِهم كلامك غلط انما الأرقام اللى قالها مش أرقامك ولا الطريقة مُناسبه وإنت الكبير ياروم.. ويجز لو يعرف إنت اول واحد باعتلى أغنية البخت وبتقولى الراجل ده عنده حاجه مختلفة مكنش هيزعل كده دي شهادة حق والله.
بداية الخلاف بين رامي صبري وويجز
كان بدأ النزاع بين رامي صبري وويجز عندما حل رامي صبري ضيفًا على أحد البرامج التليفزيونية وتحدث عن مغنيين الراب والأجيال الجديدة في عالم الغناء وأشار في حديثه إلى مغني الراب ويجز الذي يعتبر من أهم مغنيين الراب على الساحة الفترة الحالية وقال رامي صبري: "ويجز كويس لكن مبفهمش كلامه وأغاني الراب نوع جديد لكنها مش داخلة دماغي لحد دلوقتي"، وهو ما اعتبره مغني الراب ويجز تقليل من شأنه وخرج عن صمته في مقطع فيديو عبر حسابه الرسمي على موقع تبادل الصور والفيديوهات انستجرام رد من خلاله على المطرب رامي صبري وقال: "هتكلم على فنان فاكر انه عنده الصلاحية انه يطلع يتكلم عن اى حد فى اى وقت والناس تسمع وتسكت .. الفنان دا اسمه رامي والفنان دا كل ما بيقعد من ٤ لـ ٥ شهور يزهق ويطلع يتكلم على بتوع الراب فى التليفزيون، هتكلم امتي على بتوع البوب اللى انت منهم واللى فى مجالك انا شايف مبتفهمش فى الراب حاجة زى ما انت قولت قبل كدة ومش هتعرف تعمله وانت كدة مبتقدرش الفنانين وفاكر أن هما عايزين يوصلولك وهما اصلا معدينك بكتير انت رقم ١٩ يا رامي انت بعيد اوي".
0 تعليق