استمعت نيابة المقطم والخليفة الجزئية، لأقوال ماهر، صاحب الاستوديو المتورط في القضية رقم 6904 لسنة 2024 جنح الخليفة، بشأن فبركة سحر لـ مؤمن زكريا، لاعب النادي الأهلي السابق.
فبركة سحر مؤمن زكريا
وأنكر المتهم معرفته بالمتهمين وبدأ يسرد تفاصيل ضبطه من أمام الاستوديو قائلًا : «اللي حصل أني شغال مصوراتي وعندي استوديو التونسي في الإمام الشافعي من حوالي أسبوعين جاتلي البنت اللي معايا بره ديه ومعاها عيل صغير أول مرة أشوفهم ومعرفهمش وكان معاهم صورة مؤمن زكريا على التليفون وقالتلي عاوزة تطبع أربع صور فوري قولتلها معنديش مشيت وتاني يوم جالي العيل الصغير اللي كان معاها وجاب موبايله وكان معاه صورة مؤمن زكريا على التليفون وقالي أنه عاوز يطبع صور لمؤمن زكريا فقولتلها تمام وأخدت الصورة وقولتله الحساب أربعين جنيه وأديته وصل وقولتله تعالى بكره خد الصور وجه تاني يوم استلم الصور ودفع الأربعين جنيه حساب الصور ومشي»
وتابع : «وهو ده كل اللي حصل وأنا معرفش عاوز يعمل بيهم إيه وامبارح الساعة 4 جه ميكروباص أحمر في ضابط مباحث وعدد اثنين أمناء شرطة سألني على الاستوديو فاتح قلتله أه فاتح قالي أنت ماهر وقالي تعرف أسماء ناس مش فاكرهم ولقيته اتصل بالتليفون ورحت معاه على القسم وبيتوني واتعرضت على النيابة الصبح وده اللي حصل».
إخلاء مسؤولية إن موقع - بلس 48 يعمل بطريقة آلية دون تدخل بشري،ولذلك فإن جميع المقالات والاخبار والتعليقات المنشوره في الموقع مسؤولية أصحابها وإداره الموقع لا تتحمل أي مسؤولية أدبية او قانونية عن محتوى الموقع.
0 تعليق