قالت الإعلامية هند الضاوي إن وزيرة المواصلات الإسرائيلية ميري ريجيف خرجت بتصريح صادم، واقترحت حرق جثمان يحيى السنوار، قائد حماس، بعد اغتياله، على طريقة ما فعلته أمريكا مع أسامة بن لادن.

وخلال تقديمها برنامج "حديث القاهرة" على شاشة القاهرة والناس، علّقت الضاوي على التصريح قائلة إنه يعكس أزمة هوية واضحة عند المسؤولين الإسرائيليين، واللي دايمًا بيلجأوا لتقليد أمريكا بدل ما يكون ليهم رؤية خاصة.

إسرائيل بتقلّد أمريكا حتى في الحروب!

وأضافت هند إن الاحتلال الإسرائيلي بيستنسخ السياسات الأمريكية، خصوصًا في التعامل مع الخصوم، وإن التصريحات دي تكشف حالة اضطراب نفسي وتطرف داخل الحكومة الإسرائيلية، اللي مش بتكتفي بالحرب على الأحياء، لكن كمان بتمتد لخصومها بعد موتهم.

ريجيف بتناقض مع العقيدة اليهودية

كمان أشارت إلى إن الدعوة لحرق جثة السنوار بتخالف العقيدة اليهودية نفسها اللي بتحترم رفات الموتى، وده دليل على تناقض كبير بيعيشه الاحتلال، وبيعكس عقلية متطرفة مش بتحترم لا دين ولا قانون.

الاحتلال مش بس خطر على غزة.. ده خطر على العالم

واختتمت الضاوي تعليقها بالتأكيد على إن اللي بيصدر عن قادة الاحتلال لازم يتوصف بصراحة: "تطرف وإرهاب"، مشيرة إلى إن العالم كله لازم يبدأ يتعامل مع قادة إسرائيل باعتبارهم تهديد حقيقي للسلام العالمي، مش بس للمنطقة.