المهندس خالد عباس

كشف المهندس خالد عباس، رئيس مجلس إدارة شركة العاصمة الإدارية الجديدة، في مقابلة خاصة لبرنامج "بالمصري"، على قناة CNBC Arabia، أن العاصمة الإدارية ستُدار بالكامل من داخلها خلال الربع الأول من عام 2026، مؤكدًا أن عدد السكان بها سيصل إلى ما بين 300 إلى 400 ألف نسمة خلال العام المقبل.

وأوضح عباس أن العاصمة الإدارية ليست مشروعًا عقاريًا فقط، بل جزء من رؤية الدولة للتوسع العمراني واستيعاب النمو السكاني المتزايد، قائلًا: "الدولة انتهجت من فترة بناء المدن الجديدة كلها، من أول الشمال للجنوب، في كل حتة عشان تستوعب الزيادة السكانية، إحنا نتذكر إن إحنا في الوظيفة السابقة كنا عاملين دراسة إن في سنة 2052 عدد سكان مصر هيبقى كام، كان في أحسن الحالات هيبقى 160 مليون، ولو فضلنا بنفس المعدلات دي هنتخطى 180 مليون، توديهم فين؟ فلازم كانت تطلع المدن الجديدة، تطلع العاصمة، نطلع بره، النهار ده نسحب نفضي القاهرة شوية".

" title="YouTube video player" frameborder="0">

وأشار إلى أن القاهرة لم تعد تحتمل الزيادة السكانية التي تضاعفت أضعافًا، قائلًا: "القاهرة طبعًا كانت مدينة مخططة لعدد معين من السكان، العدد تضاعف مرتين تلاتة، ما بقتش قادر تجدد فيها، ما بقتش قادر تحسن البنية الأساسية فيها، كل الكلام ده كله، فجيت العاصمة.، فبالتالي السكان هييجوا، كمان هتبقى هي مركز الأعمال، هتبقى هي كل البيزنس موجود هنا، مركز لإدارة الدولة كلها بالكامل".

أرقام السكان الحاليين والمستهدفين

وحول عدد السكان الحاليين، قال عباس: "إحنا دلوقتي عدد الأسر الموجودة قد إيه؟ إحنا تقريباً عدد الأسر النهار ده يمكن تخطى يمكن بين الـ 7، 8 آلاف أسرة، إحنا عندنا فوق الـ 25، 30 ألف مقيم، أعتقد من نهاية السنة يمكن هنصل لحوالي 15 ألف أسرة".

وأضاف: "وأعتقد إن إحنا يعني إن شاء الله التارجت بتاعنا السنة اللي جاية إن نقترب من 300، 400 ألف ساكن في المدينة، ده رقم طبعًا تحدي كبير للشركة إن إحنا نقدر نقدم الخدمات بالجودة المطلوبة، وفي نفس الوقت نقدر ندير المدينة أحسن إدارة لخدمة المواطنين اللي عايشين عندنا".

وأكد رئيس مجلس إدارة شركة العاصمة الإدارية أن الفترة المقبلة ستشهد أيضًا تنفيذ مشروعات جديدة ضمن المرحلة الثانية من العاصمة، دون الكشف عن تفاصيل محددة خلال المقابلة.