تحدثت الفنانة يسرا، عن العديد من المواقف التي مرت بها في بداية مسيرتها الفنية، وذلك خلال ندوتها التي أقيمت تحت عنوان 50 سنة يسرا، على هامش فعاليات مهرجان الجونة السينمائي.

تصريحات يسرا في مهرجان الجونة السينمائي

وقالت الفنانة يسرا خلال ندوتها، التي أقيمت على هامش فعاليات مرهجان الجونة، وفقا لما رصده موقع تحيا مصر: الـ 25 فيلما اللي عملتهم في بداية حياتي سقطوا سقوط ذريع، قلت طب هكمل ليه والغلط جاي من مين؟، بدأت أحاسب نفسي وروحت المعهد وأنا مش تلميذة فيه.

وتابعت: الوقت علمني إن حتى لما يبقى في حاجة مضايقاني الجمهور ملوش ذنب، إنتو ليكوا حق عليا إلى حد ما وإني أكون معاكم، بس إن حياتي تكون مفتوحة تمامًا قدامكم دي حاجة مش هتريحني، والنهاردة بنقول كلام على السوشيال ميديا وبيتقص وكل واحد بيعمل حاجة على مزاجه ف ده بيخليني أكون واخدة بالي أكتر.

يسرا في فيلم الارهاب والكباب

كما تحدثت الفنانة يسرا عن مشاركتها في فيلم الارهاب الكباب، وعن عرض فستانها الشهيرة فيه بمعرضها في مهرجان الجونة: أنا فتحت ستين شنطة عشان أطلع فستاني في الإرهاب والكباب عشان يحطوه في المعرض بتاعي في مهرجان الجونة، لما دخلت المعرض شوفت حياتي من ساعة ما اتولدت، أنا فخورة إن فات 50 سنة وأنا محستش بيهم، استفدت من الرحلة بتاعتي وحسيت إني عملت أسطورة للناس اللي بعدينا.

وتابعت: ممتنة أوي لكل الناس اللي أضافوا لحياتي من يوم ما مثلت لغاية دلوقتي من غير حب الناس مفيش حاجة مهما عملت، مفيش حد ممكن يوصل لخمسين سنة شغل من غير حب الجمهور وزمايلي.

أجر يسرا في فيلم الارهاب والكباب

كما كشفت الفنانة يسرا عن أجرها في فليم الإرهاب والكباب، قائلة: وحيد حامد بعتلي على فيلم الإرهاب والكباب ولقيت الاسكريبت شخصيتي مكتوبة فيه فتاة ليل مشهد واحد، أخدت أجر 10 جنيهات، وصممت فستاني الأحمر في يوم واحد، وطلع العمل زي ما أنتو شوفتوه وبرغم إنه مشهد واحد قولت لـ أستاذ وحيد أنا جاهزة أمثل معاك وإديني 10 جنيهات أجر.