تحدث كريم نيدفيد لاعب الأهلي السابق، عن كواليس الاستعداد داخل جدران القلعة الحمراء، لنهائي القرن أمام الزمالك عام 2020.

تصريحات كريم نيدفيد

قال كريم نيدفيد: “نهائي القرن هو أهم بطولة في تاريخ النادي ونقل الجيل كله نقلة تانية، الكلام كله بينا كلاعيبة ساعة نهائي القرن ان الماتش ده مينفعش تخسره”.

وتابع عبر بودكاست فنجان شاي: “هو كده كده مينفعش تخسر نهائي افريقيا، لكن إنك نخسر من الزمالك نهائي افريقيا كان هتبقى صعبة جدا والجيل ده كان هينتهي”.

وأضاف: “فكل الكلام كان إننا مينفعش نخسر خصوصا إن السنة اللي قبلها كنا خسرانين خمسة من صنداونز، فكلامنا كان إن الجمهور اللي عاش معانا فترة صعبة بخسارة إتنين إفريقيا وخماسية، لازم يتعوض ولازم يرفعوا راسهم تاني”.

انتقال رمضان صبحي إلى بيراميدز

وعلى جانب آخر واصل: “رحيل رمضان صبحي إلى بيراميدز كان صدمة كبيرة بالنسبة لي، مش ده المنتظر من ولاد النادي، ولا الأهلي يستحق من رمضان صبحي ذلك”.

وزاد: “الأهلي كسر قواعد مالية من أجل الإبقاء على رمضان صبحي في الفريق، وكان يعامله بشكل مميز رغم صغر سنه، الأهلي كان بيمهد له قيادة الفريق، ولكن رمضان مقدرش كل ده وخد قراره”.

وأكمل: “رمضان صبحي كان الأقرب لي خلال مرحلة الناشئين والمنتخبات وحتى الفريق الأول، لكن لما أرسل يودعنا في جروب الواتساب رفضت الرد عليه، ومنذ قراره لم يجمعنا اتصال واحد”.

وأتم نيدفيد حديثه: “الشناوي استغرب بحكم قربي من رمضان صبحي إني رفضت أرد على رسالته الوداعية في الجروب، ولما سألني قلتله مفيش كلام يتقال ومعنديش رد”.

الخطيب يكرم عماد النحاس

كما حرص الكابتن محمود الخطيب، رئيس النادي الأهلي، على تكريم الكابتن عماد النحاس؛ تقديرًا لجهوده الكبيرة مع الفريق الأول لكرة القدم خلال الفترة الماضية، بعد توليه المسؤولية الفنية في مرحلة مهمة من الموسم الماضى.