تحدث حسام المندوه أمين صندوق نادي الزمالك، عن الأزمات الأخيرة التي تحيط بنادي الزمالك، وكذلك الهدف من تصريحاته التي أدلى بها مؤخرا.

حسام المندوه أمين صندوق الزمالك

قال حسام المندوه: “تم استخدام لفظ الزمالك بيموت لتسليط الضوء على أزمة النادي الغير مسبوقة”.

وتابع عبر برنامج الكلاسيكو مع سهام صالح: “إحنا جينا في ظروف صعبه جدا جدا، والوضع كان مأساوي واشتغلنا على حلول سريعة وحلول طويلة الأمد”.

وواصل: “احنا عندنا مشكله كبيرة في موارد النادي، رغم كده احنا قدرنا نرفع القيد ودفعنا المستحقات وغرامات وديون سابقه كبيرة ومشاكل كبيرة اتحلت، واستلمنا النادي في 2023 وهو في وضع مأساوي”.

وأضاف: “أرض نادي الزمالك بميت عقبة كانت هتتسحب، وكان فيه قضية من الأوقاف واتحلت وكانت في أواخر مراحل التقاضي وحلناها”.

تصريحات حسام المندوه

وزاد: “استقرار المجالس ده أهم حاجة في نجاح الأندية، النادي اللي مفهوش استقرار لا إداري ولا مادي وفيه كم المشاكل دي وياخد بطولات، هل في نادي يقدر يحقق كده وهو عنده كل الأزمات دي”.

وأكد: “علشان كده الزمالك أكبر قلعة رياضية في مصر، لأنه رغم كل المشاكل دي وبينجح كده، علشان كده هو أكبر قلعة رياضية في مصر”.

وذكر: “إحنا عايزين نحط النادي في مكانة، يبقى عارف رؤيته خلال خمس سنين قدام، مش هيبقى مهدد كل شوية”.

وأكمل: “هل في رياضة في مصر بدون الزمالك، إحنا مطلوب مننا كمجلس إننا بنواجه مشاكل كتيرة خارج عن إرادتنا”.

وأشار: “هو إيه الحل اللي يعمل إستدامة للنادي، هي أرض أكتوبر والفرع، هل مكنش في حلول تانية، كان فيه وكنا شغالين في حلول من وقت ما جينا وجبنا فلوس”.

وأتم تصريحات: “7شهور مش عارفين هنروح ولا هنقعد، بسبب سحب أرض النادي في أكتوبر”.