يا ترى إيه قصة مصنع كابلات السيارات اللي هيتعمل في مصر قريب، هل هيكون باستثمارات محلية ولا بشراكة عالمية، وإيه هي وجه الاستفادة منه، وهيقدر يوفر ايه للسوق المحلي.. هنقولك كل التفاصيل في الفيديو ده فتابعنا للآخر. 
 

في الساعات الأخيرة، المهندس حسن الخطيب وزير الاستثمار والتجارة الخارجية، التقى هشام اللومي رئيس شركة "كوفي كاب" العالمية، وهي شركة تونسية رائدة في مجال تصميم وتصنيع الكابلات والضفائر الكهربائية للسيارات، وده كام بهدف استعراض تطورات إنشاء مصنع للشركة في مدينة العاشر من رمضان، باستثمارات 50 مليون دولار.

ومن هنا، قال الوزير، إن الحكومة المصرية مهتمة جدا لتوطين صناعة السيارات والصناعات المغذية لها في مصر، باعتبارها أحد أهم القطاعات الحيوية في السوق المصري، والهدف من الخطوة دي جذب المزيد من الاستثمارات المحلية والأجنبية، وكمان زيادة الصادرات المصرية.

وطبعا، كل ده بيجي ضمن إستراتيجية الدولة المصرية لدعم توطين صناعة السيارات، خاصة السيارات الكهربائية، فبيتم الاستفادة من الخبرات والاستثمارات الأجنبية المباشرة للشركات ذات الخبرة الكبيرة في المجال ده.

نقدر نقول كمان، إن السوق المصري بيتمتع بمقومات وفرص استثمارية متميزة، بتخليه وجهة جاذبة للاستثمارات المحلية والأجنبية، وكمان الحكومة حريصة على تحسين بيئة الأعمال وتسهيل الإجراءات، وده بهدف تعزيز تنافسية مصر كوجهة رئيسية للاستثمار والتجارة في المنطقة.

كمان، الحكومة ملتزمة بتوفير كل سبل الدعم للشركة اللي هتنفذ مصنع كابلات السيارات، وهتذلل كل المعوقات وتسهل الإجراءات الخاصة بإنشاء مشروعها في مصر وتشغيله في أقرب وقت.

كمان، السوق المصري دلوقتي بيتميز بالعديد من المقومات الاستثمارية، واللي منها توافر العمالة المؤهلة وبأجور تنافسية، وكمان مصر بتمتع بموقع جغرافي إستراتيجي، بيتوسط قارات العالم، وده بيسهل النفاذ إلى دول منطقة الشـرق الأوسط وقارات أوروبا وأفريقيا وآسيا.

عشان كده، شركة كوفي كاب، مهتمة بتسهيل الإجراءات والسياسات اللي اتخذها الحكومة المصرية، خاصة في قطاع صناعة السيارات، واللي من شأنها جذب المزيد من الاستثمارات الأجنبية، وده لأن الشركة هي واحدة من أكبر الشركات الصناعية التونسية والعالمية في مجال تطوير وتصنيع الأنظمة الكهربائية والإلكترونية، وبتتعامل مع كبرى شركات السيارات العالمية في هذا المجال.

والشركة دي لها تاريخ طويل في تصنيع ضفائر وكتبلات السيارات، لأنها اتأسست سنة 1992، ودلوقتي بتعمل على إقامة مصنع لها لتصنيع ضفائر وأسلاك السيارات بمدينة العاشر من رمضان، على مساحة 30 ألف متر مربع، بإجمالي استثمارات حوالي 50 مليون دولار كمرحلة أولى،  عشان توصل 88 مليون دولار بحلول سنة 2027, عشان توصل لحجم صادرات 200 مليون دولار خلال ال 3 سنين الجاية.