هو إيه اللي ممكن يحصل لو الدولار فقد سيطرته على الاقتصاد العالمي؟ وإزاي تهديد ترامب لدول البريكس ممكن يقلب موازين اللعبة الاقتصادية؟ وليه اصلا الرئيس الأمريكي المنتخب قلقان من تحركات بريكس ومن التخلى عن الدولار فى المعاملات التجارية؟ وهل دول تجمع بريكس هتقدر تقف فدام امريكا؟ وايه معنى فرض روسك جمركية بنسبة 100 % على دول التجمع؟ وهل اللى قالوا ترامي تهديد حقيقي ولا مانورة ومحاولة من محاولات الضغط ؟

الرئيس الأمريكي المنتخب دونالد ترامب رجع للواجهة بتصريحات نارية لما هدد دول البريكس المجموعة اللي بتمثل جزء كبير من اقتصاد العالم إنها هتواجه رسوم جمركية ضخمة لو حاولت تعمل عملة بديلة للدولار..  الكلام ده قاله ترمب على منصته "تروث سوشيال" وقال فيه بوضوح: "مش هنسمح لحد يبعد عن الدولار واحنا واقفين بنتفرج."

ترامب بيحاول يحافظ على الهيمنة الاقتصادية الأمريكية بأي شكل خصوصا مع توسع مجموعة البريكس السنة دي اللي ضمت دول زي السعودية والإمارات ومصر و إيران وإثيوبيا ولسه هتنوسع أكتر وتضم دول تانية كتيرة

طب ليه دولب تجمع بريكس عايزة تخرج من عباءة الدولار؟

دول بريكس بقالها فترة بتحاول تقلل اعتمادها على الدولار روسيا والصين تحديداً شايفين إن الدولار بقى سلاح بتستخدمه أمريكا ضد خصومها وده كان واضح بعد العقوبات على روسيا بسبب حرب أوكرانيا وتجميد اصول وسيولة بمليارات الدولارات لموسكو بالاضافة لاستبعادها من النظام المالى العالمي سويفت .. والرئيس الروسي بوتين قالها صراحة: "لو الدولار بقى عقبة قدامنا، لازم ندور على بديل." زهنا ظهرت فكرة "إزالة الدولرة"  يعني دول البريكس تبدأ تتاجر بعملات تانية أو حتى تفكر في عملة موحدة

طب ليه تهديد ترامب خطر؟

ترامب بيقول إنه هيستخدم الرسوم الجمركية كسلاح لردع أي محاولة للابتعاد عن الدولار بس هل ده فعلاً ممكن ينفع؟ الخبراء شايفين إن فيه سيناريوهات مختلفة ممن تلجأ ليها امريكا أولها تصعيد تجاري عالمي وفرض رسوم 100% وده هيشعل حرب تجارية مش بس مع البريكس لكن مع شركاء تجاريين تانيين زي الصين والهند وده هيأثر على الاقتصاد الأمريكي نفسه

وفيه ناس تانية شايفة ان العكس ممكن يحصل وان تهديد ترامب يدفع البريكس تسرّع خططها لإطلاق عملة بديلة أو تتجه لاستخدام العملات المحلية وده هيضعف النفوذ الأميركي أكتر.

و إيه تأثير ده على مصر والعالم؟

مصر انضمت لمجموعة البريكس السنة دي ودى خطوة كبيرة لتوسيع العلاقات الاقتصادية مع دول زي الصين والهند لكن لو حصل تصعيد مع أمريكا الاقتصاد المصري هيواجه تحديات .. بس السيناريو القرب هو توسع دول بريكس فى اتفاقيات تبادل العملات المحلية والابتعاد عن طرح عملة بديلة للدولار تجنيا لاستفزاز أمريكا خصوصا ان الاتفاقيات دي بتحقق الغرض العم وهو التخلى عن الدولار وتقليل الاعتماد عليه سواء فى المعاملات التجارية أو حتى فى الاحتياطيات النقدية .. طبعا العملة البديلة ممكن تخفف الضغط على الاحتياطيات الأجنبية لكنه برضه محتاجة نظام مالي قوي يدعم التجارة

في النهاية لازم نكون عارفين ان ترامب مش بيهزرلكن دول البريكس كمان مش هتتراجع.. ة الصراع ده مش مجرد معركة على الفواتير والجمارك ده سباق على السيطرة الاقتصادية العالمية والمعركة ليه مطولة شوية