حالة من الجدل أثيرت في الساعات الماضية حول الفنانة شمس البارودي، وذلك بعدما امتلأت الصفحات بعناوين تشير إلى استغاثة شمس البارودي بسبب التصديق على قانون الايجار القديم، مشيرة إلى أنها لا تعرف مصيرها بعد ذلك القانون وأن قلبها موجوع بسبب هذا القرار.

شمس البارودي تكشف حقيقة استغاثتها بسبب قانون الايجار القديم 

خرجت شمس البارودي متعجبة ونافية ما يتردد على لسانها بشأن استغاثتها بعد التصديق على قانون الايجار القديم، مشيرة إلى أنها كانت تتحدث بشكل ساخر على صفحتها وما صدمها هو عدم استجابة الرئيس السيسي للمطالب بعدم التصديق على هذا القانون لذا هي تعجب من إمكانية تطبيقه على المستأجرين.

وأوضحت شمس البارودي في حديثها الذي رصده موقع تحيا مصر: الكلام ده محصلش ومش معقول أقوله، انا مكنتش بتسغيث وسبت شقتي بإرادتي وبمزاجي واللي كاتبين إني قلبي موجوع هو عمره مع هيتوجع على حيطان، قلبي أتوجع بعد وفاة ابني وبعده شريك عمري وونسي وسعادتي.. سبوني في حالي أنا فيا اللي مكفيني ومعنديش أغلى من اللي راحوا.

شمس البارودي: أنا لم استغيث بأحد وكنت بحكي قصتي 

وتابعت شمس البارودي، عاضبة بما يتم تداوله على لسانها بشأن قانون الايجار القديم: عيب  وكذب والله اللي بيتعمل ده انا لم استغث بحد وكنت بعلق على صفحتي بكلام كله ضحك وبحكى على قصتي وفضلت الصحافة تتصل بيا أشخاص بالاسم وأنا مش عاوزة أرد ياجماعه سيبونى في حالى اللي فيا مكفيني ومافيش أغلا من اللي راحوا وأنا لا أبكى علي دنيا كلنا هنسيبها من الأمير للغفير  وكل ما في الدنيا من مال وجاه ومتع لا تساوى ظفر أبني او زوجى اللي راحوا.

وأضاف: اخدوا من فقرة على صفحتى أتحدث فيها عن نفسي وعملت عناوان كاذبة، هل انا ممكن اقول مصيري مجهول إيه التخاريف دى ياناس كلنا ميتون وهنتركها عاجل أو أجل إنما صدمت  الرئيس بالتوقيع علي قانون الناس كانت بتستغيث بيه مايوقعش بس وقع اتصدمت بعدم الاستجابة، وربنا يهنى الجميع المالك والمستاءجر مش بيقولوا ربنا يهنى سعيد بسعيده خلاص أمر واقع لايهز لى شعره على دنيا كلنا سنفارقها وماحدش يقولنى كلام أنا لا استغيث إلا بالله.

شمس البارودي: سيبت شقتي بمزاجي 

 واكدت شمس البارودي في حديثها: أنا سبت شقتي بارادتى وبمزاجى في اسكندرية وصاحب البيت مشكور يقولى خليكى وأنا رفضت،  فعيب ماتقولنيش كلام وعناوين غلط ماتخرجوش الكلام من سياقه بعناوين غلط غلط غلط والله عيب هنفضل نقول عيب كده على حاجات، قال  أنا قلبي موجوع،  ياجماعة أنا قلبي اتوجع يوم مافقدت ابني عبدالله وبعده بأقل من سنتين أبوه شريك عمرى وونسي وسعادتي بإذن الله بلقاء بهم في الجنة يارب نكون من أهلها.

واختتم: أرجوكم ماتقولونيش كلام مقولتهوش وهقوم لقرآنى اسعد بيه نفسي واشرح به صدرى استودعكم الحى الذي لا يموت والإنس والجن يموتون ، إلى لقاء إذا أراد الله ينشرح فيه صدرنا وييسر فيه أمرنا سبحانه كريم لايضاهى كرمه أين من خلقه.