«معمولك عمل».. بعد أيام قليلة على واقعة النصب على اللاعب مؤمن زكريا، ظهرت عصابة جديدة تنصب على سيدات الدقهلية بأسلوب السحر.

البحث عن عصابة للنصب على سيدات الدقهلية

تكثف الأجهزة الأمنية بمديرية أمن الدقهلية تحت إشراف اللواء حسام عبد العزيز، مدير الأمن، جهودها للقبض على عصابة مكونة من سيدتين تزعمًا تشكيل عصابي للنصب على السيدات وسرقة المشغولات الذهبية بعد إيهامهن بوجود سحر وعمل.

تداول رواد مواقع التواصل الاجتماعي منشورات تحذر الأهالي من العصابة " تحذير هام لكل اهالي قرى السنبلاوين أحب اعرفكم جميعاً بأن فيه مجموعة من الحريم بينزلوا البلد وبيمروا فى الشوارع ويلاقو أي ست أو بنت قاعدة يدخلوا عليها بحجة أنهم يشوفوا اترهم فيقعدوا مع أي ست أو بنت وتقول لهم على حاجات حصلت لهم وبعد كده يقتنعوا بيهم فيطلبوا حلة فيها ماية ويقولوا عاوزين سبع قطع فضة».

«طبعًا مفيش أي واحدة موجود في بيتها العدد ده تقوم تطلب دهب وتضعه في قطعة قماش وواحدة منهم تاخد سرة الدهب وتدخل الاوضة علشان تقراء عليه وهنا تاخد الذهب وتعطيهم السرة فاضية وتضعها فى الحلة، وطبعًا بتقول معمولك عمل وهفكوا».

«ولو تعبانة هعالجك المهم تضع السرة في الحلة وتغطيها وتقول محدش يفتح عليها إلا بعد ساعتين ومترنوش على حد وما تردوش على أي  شخص علشان الشغل ما يبطلش والكل بيصدق وهما بيمشوا فياريت الكل ينتبه لهذه الأعمال على فكره نزلوا البلد يوم الخميس واخدوا فلوس ودهب بحوالي 200 ألف جنيه من عدة بيوت فياريت الكل يشير ويعرف الكل علشان محدش يقع في نفس الحوار».