حرصت الانفلونسر والإعلامية اسما شريف منير على حضور فعاليات مهرجان الجونة السينمائي بدورته الحالية، والتي تحمل رقم 8، وذلك لتقديم شيء مختلف يفيد الحاضرين تحت عنوان "عالم تاني" ولكن لم تكشف أسما عن تفاصيل، مؤكدة أنها لن تحضر على الريد كاربت.

اسماء شريف منير بالحجاب لأول مرة بمهرجان الجونة 

وظهرت اسما شريف منير بالحجاب لأول مرة في مهرجان الجونة، حيث شاركت مجموعة صور لها على حسابها الرسمي بموقع تبادل الصور والفيديوهات انستجرام، في منشور رصده موقع تحيا مصر، وعلقت عليه، قائلة:  أول مهرجان جونة ليا بالحجاب وأكتر مرة مبسوطة، السنة اللي فاتت كنت لسه بعمل كونكشنز لعالم تاني، بروح أي توك أو ماستر كلاس تهمني، بقابل ناس، بسمع، بتعلم، بحاول أفتح أي باب يفيد عالم تاني قدّام.

وتابعت اسما شريف منير: السنة دي… كان عندي أمل نطلع كـ team نعمل حاجة ليها معنى، ويفضل الأمل موجود لحد ما فجأة… في ٤٨ ساعة كل حاجة اتغيرت، كنت مقررة إني مش هسافر، خصوصًا إني لسه محجبة، ومعنديش لبس كفاية، ومحضرتش نفسي خالص، بس ربنا بيبعتلك الباب وقت ما تبقى مستعد له من جوه، مش من بره.

اسما شريف منير: قررت أكون في مهرجان الجونة وأقدم حاجة تفيد الناس 

واضافت اسما شريف منير: لما لقيت حد آمن باللي بنعمله، وقالنا “تعالوا السنة دي، هتقدموا حاجة تستاهل”… قلت مش هخلي أي حاجة توقفني، في وقت قليل جدًا قررت أكون هناك، أقدّم حاجة انا و عمرو عالم تاني، أعرف الناس أكتر على عالم تاني، وأكون نفسي.

واكدت: أنا حضرت الجونة كذا مرة، مرة كنت بشتغل ميكاب أرتيست، مرة إنفلونسر، مرة علشان عالم تاني، بس دي أول مرة أحس إني بقدّم نفسي بشكل حقيقي… من جوه، وأكتر حاجة فخورة بيها… إن كل اللي بيحصل ده بتوفيق من عند ربنا و فاجأه، و بمجهودنا وبشغلنا وفخورة بالتيم بتاعي اللي بيساعدني على حلمي كل يوم.

اسماء شريف منير: اوقات قرار وأكد بغير كل حاجة وشكرا لنفسي اني كملت

واختتم اسما شريف منير حديثها، قائلة: أوقات قرار واحد بيغيّر كل حاجة... رزق، شكل، شغل، طاقة… كل حاجة بتتحرك في اللحظة اللي بتقرر فيها تبقى صادق مع نفسك وتشتغل من قلبك، استنوا اللي جاي… أنا في الجونة، مش علي red carpet أنا هنا علشان عالم تاني يكون موجود… زي ما يستاهل و عشان مش ناس كتير عارفه اهميه المرجان و الفرص بره ال red carpet.. شكراً لكل حد صدق، وساعد، وشجع وشكراً لنفسي إني كملت، حتى لما كنت فاكرة إني مش هقدر… بحبكوا