خرجت الفنانة هيدي كرم في فيديو مثير على حسابها الرسمي بموقع تبادل الصور والفيديوهات انستجرام، تحدثت من خلاله في موضوع مثير للجدل، مطالبة النساء بعدم الاكتراث إلى ما تربوا عليهم بشأن عدم طلب هدايا غالية الثمن من زوجها، بل يجب أن تقدر ماديا على أكمل وجه.

هيدي كرم تثير الجدل 

وقالت هيدي كرم في فيديو رصده موقع تحيا مصر على حسابها الرسمي بموقع تبادل الصور والفيديوهات انستجرام، ورصده موقع تحيا مصر: اتربينا على أنه انتي مش لازم تبقي مادية ولا تبصي للفلوس ولا تطلبي من جوزك في طاقته وتحميله حاجات ميقدرش يعملها، ولا تطلبي اي طلبات مادية زي هدية غالية أو عربية غالية أو يكتبلك بيت باسمك عشان لازم يكون عندك كرامة.

وتابعت هيدي كرم حديثه: احب اقولك انك غلط ومبتفهميش اي حاجة خالص واللي اترببينا عليه غلط، لما الراجل يكتبلك حاجة باسمك ده شكل من أشكال التقدير والحب والامتنان.

هيدي كرم: انتي وقفتي مع جوزك وطبختيله يبقى الشكر مش بالكلام.. لازم تتقدري ماديا 

واضافت هيدي كرم: انتي وقفتي معاه ودعمتيه وكويتي هدومه وطبختيله طبخته وربتيله عياله وده وجبك مختلفناش، بس عملتيه بأكمل وجه، والشكر مش بس بالبق الكلام سهل ولكن لم يقدر ماديا ويدفع فيكي فلوس هتحسي بالتقدير الحقيقي وانك متأمنة ماديا والأهم أما يجي يزعلك هيشوف قدامه أصفار كتير اوي هتاخديها منه وانتي ماشية، فهتبقي غالية وعزيزة وادفع فيكي فلوس كتير أوي فهتبقي بالنسبة ليه استثمار.

يذكر أن هيدي كرم، سبق وخرجت في فيديو على موقع انستجرام لتوجه من خلاله رسالة دعم للسيدات وتنصحهم بتقبل نفسهم كما هما، قائلة: بصي يا ست البيت يا قمر احنا مش حقييقيين، احنا إيديت وفوتوشوب، واللي مش كده هتبقى عملية تجميل ونحت أو نفخ أو شفط .. اوعي تقارني نفسك بالست اللي أكل عيشها من ورا شكلها ولبسها.. مش مطلوب منك أبدا تكوني شبه البلوجرز والممثلين دي حياة ودي حياة، ويمكن اللي أنتي فيه أحلى كثير من اللي بتشوفيه.

اخر أعمال هيدي كرم 

يذكر أن هيدي كرم يعرض لها حاليا مسلسل وتر حساس 2 والذي يشارك في بطولته كلا من النجوم غادة عادل، رانيا منصور، نبيل عيسى، كمال أبو رية، محمد محمود عبد العزيز، إلهام وجدى وذلك بجانب نجوم الجزء الأول من العمل.