إيه حكاية الصفقة القطرية الجديدة في الساحل الشمالي وامتي هيتم الإعلان عنها وحجم استثماراتها كام.. هل دي بداية لعودة الاستثمارات القطرية للسوق المصري.. كل دا هنعرفه مع حضراتكم في الفيديو دا.. خليكم معانا للأخر

التعاون الخليجي المصري بيعتبر نموذج مثالي للتعاون بين الدول والخليج زي ماقلنا كان داعم لمصر على طول الطريق ومصر طول عمرها الضهر القوي لاخوتها العرب وخاصة الخليج العربي لكن في السنين الأخيرة شكل العلاقة دي اتغير وخد بعد استراتيجي أكبر وأعمق في شكل تعاون اقتصادي بيصب في النهاية في مصلحة الطرفين وبيضيف لقوة مصر زي ما بيزود قوة الخليج
والحقيقة المال الخليجي كان داعم بقوة لمصر في أزمتها الأخيرة وشفنا دا في صفقة رأس الحكمة اللي غيرت منحنى أزمة الدولار ودا لأنها أكبر صفقة استثمارية في تاريخ مصر بمجموع استثمارات متوقع 150 مليار دولار وهو المشروع اللي غير نظرة المستثمرين لكنوز الطبيعة اللي في الساحل الشمال المصري.

قال مصطفى مدبولي، رئيس مجلس الوزراء المصري، إن أحد مجالات التعاون المشتركة بين مصر وقطر خلال المرحلة المُقبلة سيكون من خلال مشروع استثمار عقاري مُهم للغاية في منطقة الساحل الشمالي.

طيب إيه الجديد في الاستثمارات الخليجية في مصر؟
بمناسبة كلامنا عن الساحل الشمالي وإزاي بقي قبلة المستثمرين ونقطة جذب للبراندات العالمية  من ساعات الدكتور مصطفي مدبولي فجر مفاجأة من العيار التقيل خلال مباحثاته مع الشيخ محمد بن عبد الرحمن بن جاسم آل ثاني رئيس وزراء قطر واللي زار  مصر مؤخرا  لما قال نصا إن أحد مجالات التعاون المشتركة بين مصر وقطر خلال المرحلة الجاية هيكون من خلال مشروع استثمار عقاري مُهم للغاية في منطقة الساحل الشمالي.
دي كانت تصريحات مدبولي بخصوص مشروع الساحل الشمالي واللي مقلش معلومات خاصة بيه لغاية ما يتم الإعلان عن دا بشكل رسمي زي ما حصل كده في مشروع رأس الحكمة لكن المعلومات بتقول إن المشروع القطري في الساحل الشمالي هيكون مختلف وضخم بردو وباستثمارات مليارية وهيماثل في أهمية مشروع راس الحكمة الاماراتي وإنه هيكون مشروع ترفيهي سياحي خدمي وتسوق وفنادق وليلة كبيرة وإن القطريين هيعملوا عظمة في المشروع دا وإنهم نازلين بتقلهم في الساحل الشمالي واللي بيعتبر من أجمل شواطيء العالم والسيسي أعاد إليه الانتباه والاهتمام بعد تنفيذ مشروع مدينة العلمين الجديدة واحة الجمال على شواطي المتوسط ولسه هنسمع قريب أخبار عن صفقات جديدة بالساحل الشمالي.

الأجمل في مشروعات الاستثمار في المنطقة دي تحديدا إنها مشروعات بتنفذ بأموال عربية ودا معناه تعزيز للعلاقات المشتركة وزيادة في قوة العرب كلهم واللي يراهن على مصر عمره مايخسر وعلى فكرة الدول الخليجية هتكسب بشكل كبير من استثماراتها في مصر يعني المنفعة مشتركة.