كتير مننا واخد قروض2025 ومش عارفة يعني اية فايدة ثابتة وفايدة متناقصة وايه الفرق بين الاثنين، واية افضل بين الاثنين.. لو عايز اية الفريق بين الاثنين شوف الفيديو ده للأخر

في ناس كتير واخذة قروض من البنوك وفي ناس اكتر عايزة تاخذ قروض، بس للاسف مش عارفين يعني اية فايدة، ويعني اية فايدة متناقضة ويعني اية فايدة ثابتة، ولا اية الفرق بين الفايدة الثابتة والفايدة المتناقصة.

في البداية علشان نفهم القصة دي لازم نعرف أن الفايدة دي عبارة عن مبلغ المواطن بيدفعه زيادة علشان ياخذ قرض من اي بنك أو مؤسسة مالية ولازم وقت السداد يسدد اصل الفلوس والفايدة بتاعتها، والفايدة طبعا بتزيد كل ما مدة القرض زادت، ولو المواطن دفع بدري التكلفة الإجمالية للفايدة اللي هيدفعها هتقل لأكبر درجة .

طيب يعني اية فايدة ثابتة وفايدة متناقصة؟
الفايدة الثابتة هو معدل فايدة البنك بيحسبه علي المبلغ الكامل للقرض طوال مدته بدون اعتبار أن الأقساط الشهرية المتساوية بتقلل المبلغ الرئيسي تدريجياً، وفي الحالة دي المواطن بيفضل يدفع نسبة محددة بيتم الاتفاق عليها مع البنك طول مدة القرض بدون ما ينقص منها اي فلوس لحد ما يخلص الفلوس اللي عليه تماما.
اما بقي الفايدة المتناقصة فدي فايدة بيتم احتسابها كل شهر على مبلغ القرض المستحق، وبتشمل الأقساط الشهرية المتساوية على مبلغ القرض المستحق للشهر بالإضافة لسداد أصل القرض، بعد كل دفعة بيتم تخفيض مبلغ القرض المستحق، بمعني ان لما المواطن بيدفع نسبة من الفلوس اللي عليه الفايدة بتقل خصوصا أن المبلغ الاجمالي بتاع القرض قل، وكل ما يدفع قروض الفايدة هتقل.

طيب اية هيا إيجابيات وسلبيات القرض الثابت والقرض المتناقص؟.
لو بتفكر تاخذ قرض، يبقي لازم تعرف كويس قوي الفرق بين الفايدة الثابتة والفايدة المتناقصة، وكل نوع من القروض له مزايا وله عيوب، وأول مزايا الفايدة الثابتة، أن المبلغ الشهري اللي المواطن هيدفعه بيكون ثابت طول الوقت ومش بيتغير، وده بيساعد المواطن في إدارة ميزانيته الشهرية، وغالبا بيكون معدل الفايدة الثابت أقل من اي فوايد تانية، وبتكون فيه فترة السداد أطول وبتكون القرض في حالة الفايدة الثابتة أكثر مرونة المرونة.

أما بقي القروض اللي بتكون بفايدة متناقصة فدي مزيتها أنها الفايدة بتاعتها بتقل مع مرور الوقت خصوصا أنها كل شهر بتتحسب علي المبلغ الاساسي واللي طبعا بقل كل شهر لما المواطن بيدفع منه النسب المحددة .
ولو هنحسبها بالعقل هتلاقي إن الفايدة المتناقصة هي الافضل لأن كل ما تدفع اقساط القرض قيمتها بتقل على عكس الفايدة الثابتة اللي بتفضل ثابتة لغاية نهاية القرض.. وفيه نصيحة حابين نقولك عليها في بانكير وهي قبل ماتروح البنك وتقدم على اي قرض لازم تبقي عارف انك هتسدد الأقساط في مواعيدها عشان متجيش عليك غرامات زيادة أو تتراكم عليك الأقساط وهنا البنك ممكن يتحرك عشان يضمن حقه وممكن تدخل اي سكور بمعني ملفك في البنوك مش هيكون أحسن حاجة ومش هقدر تاخد قروض تانية دا غير الفلوس الزيادة اللي هتدفعها وعشان كده بننصحك تاخد قرض على قدك لو ظروفك المالية صعبة عشان تعرف تسدد في المواعيد.