كشف الفنان حسام حبيب عن مفاجأة في ألبوم الفنان رامي صبري الجديد، والذي يحمل عنوان "أنا بحبك أنت"، مشيراً الى أن أغنية "وبحكيلك عن الأيام" من الألبوم تُعبّر عن فترة عاشها في حياته.

وهنّأ حسام، عبر خاصية القصص المصوّرة الملحقة بحسابه الرسمي في "إنستغرام"، رامي على الألبوم، وكتب قائلاً: "مبروك لأخويا وصديقي الفنان رامي صبري على ألبومه الجديد، إن شاء الله يكسر الدنيا، "وبحكيلك عن الأيام" مش مجرد أغنية، دي قصة بتعبّر عن مرحلة مهمة في حياتي ومن أصعب المراحل".

وتابع: "الأغنية دي بتحكي حاجات كثيرة عدّيت بيها، ومن كتر ما كانت قاسية أنا فرحت لما رامي وقف عندها واختارها تكون في ألبومه، وهنا اتأكدت إنها هتوصل بصوت وإحساس رامي اللي كلنا بنحبه، لكل الناس وأنا أولهم، مع أني صعب جداً عليّ أني أسمعها، بس أنا مستني أسمعها أول واحد".

ومن جانبه، علّق رامي صبري قائلاً: "الله يبارك فيك يا حسام يا فنان وعارف طبعاً إن الأغنية دي بتمثلك إحساس ومشاعر مختلفة جداً لما كنت بتسمّعني الألبوم بتاعك واديتهالي أول ما طلبتها منك، وده يدل إنك إنسان وفنان حقيقي وصديق وفي، ألف شكر على الغنوة الحلوة أوي دي، إن شاء الله تعجب الجمهور وشكراً على الهدية الحلوة".

   قد يهمك أيضــــــــــــــــًا :