أعلن محمد شريف رسميا عن انضمامه للنادي الأهلي خلال فترة الانتقالات الصيفية الجارية لمدة 5 مواسم قادمة بعد رحيله عن الخليج السعودي.

وقال محمد شريف في حديثه التليفزيوني: «محمد يوسف كلمني وقالي عايزينك في الأهلي والمدير الفني ريبيرو محتاجك معاه في الفريق، قولتله يا كابتن عنيا ورحت موقع بدون تفكير ومضيت في التتش والكلام ده كله حصل منذ قليل، مضيت والله من غير ما اتكلم في فلوس خالص ومضيت 5 سنين.».

شريف: كنت متجه لتركيا ومكالمة الأهلي أنهت الأمور

وتابع: « في أكثر من نادي كلموني في مصر وأنا بحترمهم جدا ومش هقول علي أساميهم، كنت بنسبه كبيره رايح نادي في تركيا بس مكالمه الكابتن محمد يوسف النهارده خلصت الموضوع كله وكنت مستني الاهلي يكلمني بصراحه والموضوع خلص في 5 ساعات بالظبط».

وأكمل: « لو كنت نظرت للمال لوقعت في أماكن أخرى بمقابل مادي كبير ولكن كان تفكيري في البداية التوقيع بعد انتهاء عقدي مع الخليج».