خرجت الفنانة هيدي كرم في حالة من السعادة التي تغمرها بعد اكتمال مبلغ علاج الطفل علي المصاب بضمور العضلات، معربة عن فخرها الشديد بالمصريين وإنسانية المصريين في مساعدة بعضهم البعض.

هيدي كرم بعد اكتمال مبلغ علاج الطفل علي المصاب بضمور العضلات: بقى عندي أمل في الإنسانية تاني

وظهرت هيدي كرم في فيديو رصده موقع تحيا مصر عبر حسابه الرسمي بموقع تبادل الصور والفيديوهات انستجرام: لمينا الفلوس.. مش قادرة أقولكم السعادة اللي أنا فيها، فخورة إننا مصريين، وفخورة بإنسانيتنا، فيه ناس اتبرعت وأنا معرفش جنسيتهم، ورجال أعمال تدخلوا، وبقى عندي أمل في الإنسانية من تاني، إحنا وقت الجد مش بنهزر، ربنا يخلينا لبعض، أنتوا رجعتولي إيماني وأملي في الناس.

وأضافت هيدي كرم: أختي كلمتني وقالتلي إن فيه ناس اتبرعت بـ100 و50 جنيه، إنتوا متخيلين الخمسين جنيه عند ربنا عاملة زي؟ فيه ناس اتبرعت بآخر فلوس معاهم، ومش هيجيبوا حاجة للبيت علشان يتبرعوا، إن البني آدم ياخد من لحمه الحي ويحرم نفسه وولاده علشان يساعد غيره، دي حاجة كبيرة أوي عند ربنا.

هيدي كرم تبكي بسبب الطفل علي المصاب بضمور العضلات 

ويذكر، أن هيدي كرم كانت قد ظهرت في فيديو وهي منهارة من البكاء وتناشد من خلال التبرع للطفل علي المصاب بضمور العضلات، قائلة: عارفة أن كل الناس دلوقتي مشغولة بالمصيف وبتروح الساحل، ماشالله الناس هنا كتير جدا وبيصرفوا ملايين وألوفات بس واحنا مشغولين بالسهر واللبس والشنط بتوع الساحل مش واخدين بالنا أنه فيه ولد بيصارع الزمن هو وأهله ومحتاج حقنة بـ 2 مليون دولار.. ياريت كلنا نساعده وكل أم تحط نفسها مكانها.. تخيلوا أم وأب هخسروا ولادهم الاتنين خلونا نساعد اسراء تنقذ ابنها وتغير مصيره، أنا عارفة أنه فيه ناس كتير قلبها طيب وحنينة وبتحب تساعد وبتعمل خير كتير، ارجوكوا سعدوا الطفل علي وأسرته.

آخر أعمال هيدي كرم 

من ناحية أخرى، كانت آخر أعمال هيدي كرم السينمائية فيلم "جوازة توكسيك" وهو من تأليف لؤي السيد، وإخراج محمود كريم، وبطولة ليلى علوي، وبيومي فؤاد، وهيدي كرم، ومحمد أنور، وملك قورة، وتامر هجرس، ولم يحقق العمل نجاحات كبيرة في السينمات كما كان متوقعا خاصة مع تكرار التعاون الفني بين النجوم المشاركين في هذا العمل.

وفي الدراما، شاركت في مسلسل الوصفة السحرية، إلى جانب النجوم شيري عادل، إسلام جمال، بسمة داود، كارولين عزمي، عمر الشناوي، هالة فاخر، سلوى عثمان، عماد رشاد، سلوى محمد على، محمد أبو داود، تأليف هاني سرحان، إخراج خيري سالم.