قالت الإعلامية نهال طايل، أن استضافتها لعدد من البلوجر والتيك توكر جاء بعد متابعة الكثير من الجمهور لهم ورؤيتهم يقدمون إعلانات لمجموعة من المطاعم، مشددة أنها لم تدفع أي مقابل مادي لهم أو حتى مليماً واحد لأي شخص منهم خلال وجودهم في البرنامج.

نهال طايل: مدفعناش مليم لبلوجر ولا حد جالنا بمقابل مادي

وتابعت نهال طايل خلال برنامجها "تفاصيل" على قناة صدى البلد 2 في تصريحات رصدها موقع تحيا مصر، أن التوقيت الذي استضافت فيه البلوجر كانوا يُعتبرون فيه نجومًا على السوشيال ميديا، دون أي اتهامات تلاحقهم وكانت هناك خطوط حمراء لا يستطيعون تجاوزها خلال محاورتهم.

وتابعت نهال طايل في تصريحاتها: "أنا حاطة خطوط حمراء لنفسي.. لا دفعنا مليم للبلوجرز، ولا عرضنا جنيه، ولا حد جالنا البرنامج بمقابل مادي. ولما قابلناهم واستضفناهم، كانوا وقتها نجوم مجتمع، ومكنش المجتمع بيتهمهم إنهم تجار أعضاء أو أي حاجة من النوع ده".

نهال طايل عن استضافة البلوجر: كانوا جزء من واقع السوشيال ميديا وكان لازم نسلط عليهم الضوء

وأضافت: "أنا مالي هجيب مجرمين ليه؟ إحنا طول الوقت كنا بنقول إن الناس دي مصيرها مش حلو، وكنا شايفين إن النهاية مش مبشرة، بس في وقتها، كانوا جزء من واقع السوشيال ميديا، وكان لازم نسلط عليهم الضوء من غير ما نطبل أو نهاجم".

وعلقت على الجدل الدائر مؤخرًا بشأن محتوى بعض البلوجرز على منصة "تيك توك"، لا سيما بعد القبض على عدد منهم خلال الفترة الماضية. وأشارت إلى أنها كانت من أوائل الإعلاميين الذين استضافوا هذه النماذج في برنامجها، إلا أنها كانت دومًا تُبدي دهشتها من طبيعة شخصياتهم وطريقة ظهورهم، موضحة: لما كنت بستقبل البلوجرز في برنامجي، كنت بستغرب، هي الناس دي بجد؟ ولا كأنهم شخصيات كارتونية؟ لما استضفنا كروان مشاكل، قولت للمشاهدين: انتوا بتتفرجوا على ده ليه؟.

نهال طايل: اي ضيف جايلي البرنامج لازم احترمه 

وأكدت الإعلامية على التزامها الدائم بقواعد الحوار والاحترام المتبادل داخل البرنامج، موضحة: أي ضيف في البرنامج واجب عليه احترامي، وممنوع يتجاوز، وفي نفس الوقت واجب عليا أنا كمان أحترمه، وممنوع أتجاوز. دي خطوط حمرا عندي، لا بتخانق ولا بشد، ومليش في الأكشن ده خالص.

يذكر أنه نجحت الداخلية المصرية في القبض على عدد من البلوجر والتيك توكرز من بينهم سوزي الأردنية، أم مكة، أم ساجدة، مروة بنت الرئيس مبارك، شاكر محظور دلوقتي، مداهم، وغيرهم، ولازال القبض على الباقي قائم حتى الآن.