حل مطرب الراب الشهير عفروتو، ضيف على برنامج abtalks الذي يقدمه الإعلامي أنس بوخش على فنانه الرسمية بموقع الفيديوهات الشهير يوتيوب، والذي كشف من خلاله عن علاقاته بوالده وكيف نشأته الصارمة ساهمت في نجاحه، فضلا عن احترافه كرة القدم لفترة.

احتراف عفروتو لكرة القدم 

تحدث عفروتو عن احترافه لكرة القدم، فقال في تصريحات رصدها موقع تحيا مصر: أخويا الكبير كان لعيب أوي وأشطر مني في الكورة لحد دلوقتي وأهلي مبسوطين منه، لما كبرت شوية أهلي فضلوا يقنعوني ألعب كورة مع أخويا، لكن أنا مكنتش حابب، ومع الوقت بقيت أجمد واحد في الفرقة في مدرسة الكورة، وشافني مدرب من نادي الاتحاد السكندري وقال لازم تمضي في النادي، وابتديت ألعب كورة في سن صغير.

وتابع عفروتو حديثه: لما بدأت أغني راب كنت في الأواخر مع الكورة وقربت أبطل، المشوار عندنا صعب شوية، وبعد ما غنيت درست حقوق واتشهرت وأنا في الدراسة، ورغم اني كنت بحب الكورة وأنا في النادي، لكن لما احترفت الراب والمزيكا حسيت إن شغلي في الكورة كان بربع شغف، لكن شغفي في المزيكا كان أكتر من 100%.

عفروتو يتحدث عن قساوة والده في التربية 

وتحدث عفروتو عن والده وكيف ساهمت تربيته القاسية في نجاحه، قائلا: طريقة تربية والدي كانت شديدة وقاسية شوية، وأنا صغير كنت ناقم على ده، في أب يعامل ابنه بالشدة دي، أقول له نكتة يقول لي أنا مش صاحبك، لكن دي حياتنا وبيئتنا، وأنا اتربيت كويس بالطريقة دي، أنا عشان من منطقة شعبية وارد أعمل مصايب، وعشان معملش مصايب لازم يكون في حد بخاف منه في البيت أو عامل له حساب، وأبويا بشدته دي طلعني صلب.

كيف غير والد عفروتو من طريقة تفكيره

واستكمل راوية موقف له مع والده غير من طريقة حياته: أنا لو بقيت دلوقتي أنا فده سببه إني في يوم كنت راكب مواصلات مع أبويا، وشوفنا زحمة على البنوك أول الشهر ناس بتاخد معاشاتها، وأبويا قال لي شايف الناس دي، كمان سنتين هبقى معاهم، دي الدقيقة اللي غيرت حياتي، ومن اليوم ده بقيت واحد تاني، عايز أبقى حاجة كبيرة وأريح الراجل ده، وعلى قد الصرامة عمري ما كرهت أبويا.

وتابع عفروتو حديثه: كانت مفاجأة بالنسبالي أن والدي يرقص قدامي وسواء طريقة تربيته كانت صح ولا غلط كفايات انها طلعتني انا واخواتي الأربعة رجالة ومتحملين المسؤولية.