تصدر الفنان عمرو وهبة مؤشر البحث جوجل ومنصات التواصل الاجتماعي بعد أن كشف عن حالة نجله الصغير يحيى الصحية وتفاعل عدد كبير من الأهل والأصدقاء والمتابعين بشكل كبير معه.

وقال عمرو وهبة في منشور عبر خاصية الاستوري على حسابه الشخصي على موقع التواصل الاجتماعي للصور والفيديوهات انستجرام ورصده موقع تحيا مصر، «شكرا لكل حد عارف إن يحيى تعبان وسأل أو اتكلم أو كتب كومنت واتصل وباعتذر إني مش عارف أرد على كل الناس عشان بقالي شهر تقريبا بحكي كل يوم كذا مرة للناس والأهل والدكاترة والصحاب، وعامة احنا لسه معرفناش بالضبط إيه المشكلة ولا علاجها».

وتابع عمرو وهبة: «اللي عارفينه بس، إن فيه مشكلة في المناعة حصلت له بسبب الكوفيد، شكرا لأي حد مهتم، أنا عارف وحاسس والله».

واضاف: «من الناحية الطبية، معانا دكاترة محترمة ومهتمة وعاملين اللي عليهم وزيادة، فموضوع ترشيح الدكاترة مشكور طبعًا، بس دي مرحلة عديناها، وهي بس حاجة بتاخد وقت في التشخيص، ونتمنى طبعا مايطلعش في حاجة أصلا، وربنا يلطف ويخف وخلاص ومش عايز أعرف ايه ده، شكرا لاهتمام اللي كانوا عارفين واهتموا».

عمرو وهبة: اتولدت في باريس.. وكنت من شلة الصايعين في المدرسة

تحدث الفنان عمرو وهبة عن تفاصيل في حياته الشخصية للمرة الأولى وذلك خلال استضافته في برنامج صاحبة السعادة مع زوجته، وأشار عمرو وهبة إلى ولادته وحياته قبل التمثيل وقال أنه ولد في باريس عاصمة فرنسا لكنه عاد إلى مصر وعاش في بور سعيد لذلك يعتبر بور سعيد هي بلده الحقيقي وبالنسبة إلى أخواته فعاشوا في فرنسا لمدة 3 سنوات، كما تحدث عمرو وهبة عن فترة المدرسة والصغر مشيرًا إلى أنه كان في مدرسة أزهري وأنه كان مشاغب بشكل كبير وقال: "وأنا صغير كنت سوسة ومبسيبش حد في حاله وكنت بمشي مع الشلة الصايعة لكن كنت شاطر".

عمرو وهبة: تربيتي في مدرسة أزهري أثر عليا.. ومراتي أول واحدة في حياتي

تابع عمرو وهبة حديثه مشيرًا إلى فترة تواجده في المدرسة وأكد أنه تربيته في مدرسة أزهري أثرت في شخصيته حيث أنه كان لا يوجد اختلاط مع فتيات لذلك فزوجته هي الفتاة الأولى في حياته، وكشف عمرو وهبة عن تعرضه للتنمر قائلًا كما يرصد موقع تحيا مصر: "كانوا مسميني بقسماط بسبب جسمي الرفيع وكنت بلعب باسكت فقررت أعمل رياضة واتخن شوية عشان الشغل وشكلي يتحسن، وشخصيتي في البيت سخيفة وهادية ومبهزرش ولا بضحك كتير زي ما بظهر".