تحدثت الفنانة ياسمين عز عن العديد من الأشياء التي تصدرت التريند في الساعات الأخيرة من بينهم أزمة الفنان راغب علامة، منتقدة الفتيات التي تصعد على المسرح وتقبله وترقص معه.

ياسمين عز: طالعة تبوسي مطرب ما تبوسي جوزك 

وقالت ياسمين عز خلال برنامج كلام الناس المذاع على قناة mbc مصر ورصده موقع تحيا مصر: طالعة تبوسي مطرب ليه ما تبوسي جوزك في البيت هو أولى من الغريب، مبوستيش فرعونك من يوم الصباحية راحة تبوسي المغني.. بوسي جوزك عنده جفاف عاطفي من الحرب العالمية الثانية وفري شوية بوس للراجل الغلبان الشقيان.

وتابعت ياسمين عز: عايزة اللي طالعة تبوس راغب علامة تفكر تطلع على المسرح تقرب من عمرو دياب هتاخدي لطشة تركبك مكوك فضاء يطيرك في السماء.

ياسمين عز توجه رسالة لطالبات الثانوية العامة 

ووجهت ياسمين عز رسالة لطالبات الثانوية العامة بعد ظهور النتيجة، قائلة: لكل واحدة جابت كحك بتعيطي ليه يا حبيبتي جوزك مات؟ عندنا البنت هنا ما بتعيطش غير لما جوزها يتوفى، واللي بيعيط اللي كان نفسه في طب ووقف معاه على نص درجة، إنما أنتي جايب 40% وبتعيطي؟، ده مجموع يدخلك السجن أو يرجعك ابتدائي، ومجموع ميدخلكيش المطبخ فامتعيطيش ودوري على عريس صغير، ولو فاتك مجموع الثانوية الحقي نسقي الخطوبة ولون الفستان، وغني أغنية عمرو دياب بتاع خطفوني غيريها وقولي خطبوني عنيه خطبوني وشغلي قانون الجذب.

مصطفى كامل مع ياسمين عز 

من جانبه، استضافت ياسمين عن الفنان مصطفى كامل الحديث عن أزمته مع راغب علامة، حيث قال: أنا لا أقبل بالحال المايل حتى في بيتي، فكيف أقبله على النقابة؟ اللي حصل لا يمكن نعديه ونقول نلوم ونعاتب وخلصت، لأ، ده تجاوز كبير، وله تأثير مباشر على صورة مصر قدام العالم، في فرق بين الغلطة اللي تعدي، وبين التجاوز اللي يضر شكل مصر.. وده اللي حصل فعلًا، وإحنا ما منعناش راغب بشكل دائم، لكن قررنا وقف ظهوره مؤقتًا لحد ما يتم الاستماع إليه، والقرار صدر من مجلس النقابة بالكامل مش مني لوحدي.

ويذكر أن مصطفى كامل قد أصدر قرار بمنع الفنان راغب علامة من الغناء في مصر وذلك بعد حفله الغنائي في مصر وما حدث به من أشياء غير متوافقة مع المجتمع المصري، فضلا عن إحالته للتحقيق.