صدمت سيدة الإعلامية رضوى الشربيني بحديثها عن اختيار زوجة أخرى لزوجها وتزويجها منه، وأنه حاليا يعيشون في منزل واحد وكأنهم أسرة واحدة يأكلون ويشربون من نفس المكان، لتتعجب رضوى الشربيني، قائلة: "براحة عليا واحدة واحدة".

سيدة تصدم رضوى الشربيني: عايشة مع مرات جوزي في نفس البيت كأني امها 

بدأت تلك السيدة في روي حكايتها لـ رضوى الشربيني في برنامج هي وبس، حيث قالت في تصريحات رصدها موقع تحيا مصر: "أنا اللي مجوزة جوزي مراته التانية وأنا اللي مختراها وعايشين مع بعض في نفس البيت أكل وشرب وعيشة واحدة زي أم وبنتها بالظبط".

وأضافت تلك السيدة في حديثها مع رضوى الشربيني: انا زوجة تانية لجوزي، كان متجوز قبلي ومخلف 6 عيال وأنا كنت متجوزة ومخلفة 4 وطلقت، وعيالي مع طليقي، حصل بيني وبين جوزي الحالي نسب بنتي اتجوزت قريبته وفي الخطوبة أعجب بيا وعرض عليا الزواج ووافقت وزوجته التانية كانت موافقة وقعدنا مع بعض 17 سنة زي الاخوات.

سيدة لـ رضوى الشربيني: روحت شوفت مرات جوزي وعجبتني وقولتله دي تمام 

وتابعت تلك السيد: جوزي قالي أنه عايز يتجوز واحدة تانية وانا وافقت طبعا وقعدنا سنتين ندور على عروسة لحد ما ربنا وقعنا في بنت الحلال اللي اتجوزها، راح عرض عليها الجواز بس رفضت وقالتله طالما مراتك معاك لا، قالها هي موافقة قالتله تجيلي، روحتلها مع مرات ابني الكبير وقولتلهم عايزة اشوفها وحضنتها وقعدتها جنبي وشاورتله أنها تمام واتجوزت وقاعدين مع بعض في نفس البيت كأني امها.

كل تلك التصريحات ورضوى الشربيني في حالة صدمة كبيرة مما تسمعه من تلك السيدة، وكأنها غير مصدقة لما يروى لها، فكيف تتحمل سيدة مشاركة زوجها امرأة أخرى؟.

تفاصيل برنامج هي وبس

يذكر أن برنامج هي وبس يعرض أسبوعيا يومي الثلاثاء والأربعاء في تمام الساعة 11 مساء على شاشة DMC، وتقدمه الإعلامية رضوى الشربيني.

البرنامج يناقش قضايا اجتماعية وإنسانية واقعية، ويعد من أوائل البرامج الحوارية في مصر التي قامت بإدماج تقنيات الذكاء الاصطناعي ضمن الحلقات، بهدف تحليل المشكلات وإيجاد حلول أكثر فاعلية.