تحدث طارق السعيد نجم مصر والزمالك والأهلي السابق،  عن تضخم أسعار اللاعبين في الدوري المصري، ويتستعرض تحيا مصر التفاصيل. 

طارق السعيد: زيزو لاعب مميز لكن مقفلش اللعبة

وقال طارق السعيد خلال استضافته في برنامج "يا مساء الأنوار" الذي يقدمه الإعلامي مدحت شلبي على قناة MBC مصر: "زيزو لاعب مميز لكن مش محمد صلاح اللي قفل اللعبة.. أغلى لاعب في مصر لا يتخطى 5 أو 6 مليون، واللي بنشوفه دلوقتي تهريج."

طارق السعيد: مستوي اللعيبة في مصر متقارب 

واستكمل: "احنا في مصر مستوانا متقارب.. مفيش فروقات كبيرة زي أوروبا، وزيزو مش أبوتريكة ولا حسام حسن.. الأرقام دي مش منطقية."

وأشار السعيد إلى أن تألق لاعبين مثل عبد الله السعيد وشيكابالا في الملاعب حتى سن الـ40 يؤكد أن الكرة المصرية مش بتفرز نجوم كتير حاليًا، ومفيش جيل جديد قادر يسد مكان الكبار بسهولة.

حسام عاشور: من حق وسام يفكر في الاحتراف.. والأهلي ليه 4 أبواب للرحيل

أكد الكابتن حسام عاشور، قائد الأهلي السابق، أن وسام أبو علي من حقه التفكير في العرض الأمريكي لأنه كبير ومغرٍ، لكن في نفس الوقت للأهلي كامل الحق في تحديد المقابل المالي المناسب.

وتابع عاشور :  "وسام مش هيمشي غير من بوابة الأهلي.. والنادي مش هيخضع لأي وسيلة ضغط من أي لاعب".

وأضاف: “الأهلي له حق على وسام، ولو عاوز يمشي فالنادي ليه أربع أبواب، ومش هيقف على حد”.