كشفت النجمة أيتن عامر عن تفاصيل شخصيتها في فيلم عنب الذي تم طرحه بالأمس في جميع دور العرض السينمائي بالوطن العربي، وأكدت أيتن عامر على سعادتها بتلك التجربة خاصةً وأن الفيلم يأتي في إطار كوميدي وهي تتعلق بالتجارب الكوميديا و تفضلها، كما أكدت على الكواليس اللطيفة التي جمعتها بنجوم العمل، ونوفر في هذا المقال أبرز تصريحات أيتن عامر عن فيلم عنب.

تافهة ومستهترة.. أيتن عامر تتحدث عن شخصيتها في فيلم عنب

التقى موقع تحيا مصر بالنجمة أيتن عامر على هامش حضورها العرض الخاص لـ فيلم عنب الذي أُقيم بالأمس، وكشفت أيتن عامر عن تفاصيل شخصيتها في العمل وقصته، وقالت: “بتمنى نقدملكم فيل حلو يعجبكم، أنا شخصيتي في الفيلم شخصية چودي هي تافهة جدا مستهتره ومخطوبة لشاب تافه برضو وعلاقتهم ببعض غريبة جدًا وباباهم طول الوقت حاسس إن العلاقة دي فيها حاجه غلط.. اللي بيحصل مشكلة كبيرة جدًا في أول الفيلم لخطبيها فجأة بيلاقي نفسه متجوز اتنين وبايع كل أملاكه لحد ميعرفوش و بيشربوا حاجه كده بتنسيهم أحداث اليوم تمامًا فـ بنفضل طول الفيلم معاهم بنشوفهم وهما هيقدروا يحلوا المشكله دي ازاي ويقدروا يفتكروا أحداث اليوم ده ازاي”.

أيتن عامر عن فيلم عنب: كواليسه مش صعبة.. وخفيف على القلب

تابعت أيتن عامر حديثها مشيرة إلى كواليس العمل، وقالت: “الحقيقة الفيلم كان خفيف و ظريف وكوميدي مكنش في تحديات ومصاعب للدرجة دي يعني احنا كنا مبسوطين جدًا و احنا بنصور و الفيلم خلص بسرعة جدًا محسناش بيه حقيقي و هو الفيلم اصلا الطابع بتاعه لذيذ وظريف و خفيف يعني مكنش في الحاجات اللي بتتكلمي عنها أوي يعني”.

لماذا تفضل أيتن عامر الأعمال الكوميدية عن الدراما؟

كشفت أيتن عامر عن سبب حبها للأعمال الكوميدية أكثر من حبها للأعمال الدرامية وأشارت إلى أن نفسيتها تتأثر بالأعمال الدرامية وإذا تطلب دورها البكاء، وقالت: “انا بحب الأعمال الكوميدية لسبب انه انا بحس مودي احلى  وانا بمثلها دايما أما بعمل دور بيبقا فيه دراما كتير عياط كتير نكد كتير أنا شخصيتي بتتأثر ومودي بيبقا مش حلو فا عشان كده يمكن بفضل الأعمال الكوميدي أكتر”.