سوق السيارات المحلي في مصر شهد في الفترة الأخيرة، حالة من الاستقرار، وده حصل بعد ارتفاعات كبيرة سجلتها خلال الربع الأخير من السنة دي 2024، ولكن هل ممكن تحصل زيادة قريبة؟ وأسعار دلوقتي ماشية إزاي؟

بص يا سيدي، في مجموعة سيارات كده هي الاكتر شراء واستخداما في مصر، واسعارها كويسة بالمقارنة بماركات تانية، والعربيات دي طرازات بايك  U5 Plus، اللي بتبدأ أول فئة وهي هاي لاين وسعرها 874.900 ألف جنيه، وتاني فئة توب لاين قيمتها 974.900 ألف جنيه.

أما تالت فئة EU5 الكهربائية وكان آخر قيمة لها مليون و299 ألف و900 جنيه.

نيجي لسيارات هيونداي، فالإلنترا AD Smart سعرها 970 ألف جنيه، أما الالنترا AD Modern فسعرها مليون و50 ألف، وكمان طراز Topline بقيمة مليون و155 ألف

وسيارات شيري تيجو 8، موديل 2025، فبتيجي بسعر رسمي بيبدأ من مليون و100 ألف جنيه، أما الفورد فيستا 1996 فسعرها 100،000 جنيه.

كمان سوزوكي سويفت 1993 سعرها 103،000 جنيه، وعربية لادا نيفا 1993 ب 105،000 جنيه.

ضيف لكل ده، هيونداي فيرنا 2012 اللي سعرها سجل 345،000 جنيه.

وبالنسبة لتوقعات أسعار السيارات 2025، فهي رايحة على استقرار في الأسعار، وده بسبب ضعف معدلات الشراء بسبب عامل العرض والطلب من ناحية، وكمان الشركات مابترفعش الأسعار بسبب ركود المبيعات من ناحية تانية،وكمان في بعض التجار والموزعين ببخفضوا  الأسعار 5% عشان يبعيوا المخزون اللي عندهم ويبدأو يشتغلوا على الموديلات الجديدة .

ولكن، نقدر نقول إنك لو عايز تشتري عربية ومستعد، فانهاردة أحسن من بكره، لأن ممكن يحصل تحرك مفاجئ لسعر الدولار، واللي بالتالي هيؤدي بالتوازي لتحرك أسعار السيارات.

وقبل ما تشتري المستعمل، هنقولك شوية نصايح عشان تضمن عملية شراء سليمة وفلوسك ماتضعش، أولها إنك لازم تجمع معلومات عن العربية اللي انت ناوي تشتريها كويس، ويفضل تاخد معاك حد فاهم في العربات عشان يتأكد من جودتها ويختبرها كويس، ولو عجبتك العربية وطلعت مناسبة ليك ماتنساش تعمل عقد رسمي بعملية البيع والشراء ويكون موثق في الجهات الحكومية وده عشان تضمن حقك.

وياريت تشتري من مكان معروف ومضمون وسمعته كويسة، وماتنساش توثق أوراق العربية أول بأول، عشان تضمن حقك وفلوسك في نفس الوقت، ومايتنصبش عليك وتاخد حاجة سليمة 100%.