تعرف ان مطعم الشيف بوراك الجديد في القاهرة الجديدة حقق ارباح 22 مليون جنيه في اول شهر ، واللي قال الكلام دا الشيخ خالد الجندي خلال حلقة من برنامج "لعلهم يفقهون" وكان بيتكلم عن تباين السلوك الاستهلاكي في مصر.

والجندي ضرب مثل بمطعم بوراك وقال ان ارتفاع الفواتير في بعض المطاعم الفاخرة، زي مطعم الشيف التركي، اللي حقق إيرادات 22 مليون جنيه في شهر ظاهرة جديدة في السلوك الاستهلاكي .

وقال كمان أن كل شيء في الدنيا ليه تمنه ولازم نحترم حرية الناس في الإنفاق وان الدين الإسلامي مش بيمنع حد من التمتع بنعم الله طالما كانت الفلوس حلال، والنبي صلى الله عليه وسلم والصحابة كانوا يعيشون حياة متفاوتة من حيث الرفاهية.

وعايز اقولك ان المطعم من اول يوم هو عامل جدل كبير جدا على السوشيال ميديا بسبب ان الاكل هناك غالي جدا وظهر فواتير كتير للمطعم وكانت الاسعار فيها بالالوف وكل الفود بلوجر قالوا ان المطعم غالي بس المكان كويس والاكل كمان .

وفي ناس بررت ارتفاع اسعار الاكل في مطعم بوراك بان اللي بيعمل الاكل واحدًا من أشهر الشيفات في العالم والمطعم بيستهدف ناس معينة، زي ما قال الاعلامي تامر امين ان الشيف بوراك واحد من أشهر الشيفات لما يجي يفتح مطعم في مصر، مش هيفتح مطعم لمحدودي الدخل» وفي كمان مشاهير رفضوا فكرة ان الاكل يكون غالي واللي كان منهم الإعلامي شريف مدكور اللي رفض ان الاكل يكون غالى اوى كده .

بس بعيد عن الاسعار بس مطعم الشيف بورك بيأكد ان السوق المصري سوق فعلا جاذب لأي استثمارات والدليل ان المطعم حقق نجاح كبير جدا في وقت صغير ودا دليل على مناخ الاستثمار في مصر مناخ ناجح .