ليه الرئيس في كل كلامه عن الصناعة يتكلم ويشدد على زيادة نسبة المكون المحلي في اي صناعة في مصر سواء صناعة سيارات أو أدوية أو اي نشاط صناعي تاني.. وإيه حكاية التكنولوجيا المتاحة وسر توجيهات السيسي الأخيرة.. تابعونا في التفاصيل في الفيديو دا

الرئيس عبدالفتاح السيسي من ساعات اتكلم باستفاضة عن أهمية توطين الصناعات في مصر ومعاها توطين التكنولوجيا وقال الرئيس إنه مش شرط تكون التكنلوجيا معقدة عشان اجيبه وكفاية نبدأ بتوطين التكنواوجيا المتاحة في الصناعة وبعدها يبدأ تطويرها بعقول مصرية ودا لأن مصر اتأخر سنين كتير في موضوع التكنولوجيا دا خاصة إنها قطاع بيتطور كل ساعة وهو راس مال الدول المتقدمة واللي مش بتنقل التكنولوجيا بتاعتها بسهولة لأي دولة تانية.

السر ورا إصرار الرئيس السيسي على توطين التكنولوجيا مع الصناعة هو إنه يعمل صناعة مصرية خالصة تقدر تعتمد على نفسها وفي ذات الوقت تقليل تكلفة التصنيع المحلي وزيادة التنافسية للمنتجات المصرية المصنعة..

الرئيس السيسي كان منطقي جدا في كلامه لما قال إننا أنشأنا 25 جامعة خلال 10 سنين وضاعفنا العدد بجامعات تقدم علوم العصر علشان عايزين ننتج كل حاجة في مصر على الأقل في الحاجات اللي التكنولوجيات بتاعتها مش معقدة، يعني انشاء الجامعات دي كلها مكانش صدفة ولا عشوائي زي الناس مكانت فاكرة لكن كان هدفها بناء قاعدة عريضة ومستدامة الكوادر البشرية اللي تقدر تبدع وتبتكر وتطور في تكنولوجيا الانتاج والتصنيع وفي كل مجالات الاقتصاد لأن العامل البشري المدرب والمحترف هو أداة قوة أي بلد عاوز يطور.

طيب ليه الرئيس بيشدد على زيادة المكون المحلي في الصناعات؟
الحقيقة توجيهات الرئيس مهمة جدا في النقطة دي بالذات لأن صناعة المكونات دي هتشغل الاف المصانع اللي بتغذي صناعة بعينها يعني صناعة زي صناعة السيارات دي بتعتمد على عشرات المصانع التانية ومفيش مصنع أو شركة سيارات بتصنعها من الألف للياء حتى في الشركات العالمية زي مرسيدس والتويوتا والبي إم دبليو وغيرها لكن بتعتمد على شركات تانية متخصصة وفي النهاية لو دورت هتكتشف إن العربية اللي انت راكبها دي اشتغل فيه 120 مصنع مثلا عشان تطلع منتج نهائي.
صناعة المكونات في أي صناعة بيعمل انتعاشة كبيرة جدا في الصناعات التانية وبيوفر فرص عمل وفي نفس الوقت بيدي قوة للدولة المصنعة في إنها تقدر تطلع منتج نهائي داخل مصانعها من غير الاعتماد على الاستيراد لأي قطع غيار وساعتها نقدر نقول إن عندنا صناعة محلية مش مجرد تجيمع.

وعشان كل اللي قلناه دا وزير الصناعة الفريق كامل الوزير عامل خطة مهمة لزيادة المكون المحلي في الصناعات اللي الوزارة بتوطنها دلوقتي وبشرط ضمان الجودة الكاملة والخطة دي بتعتمد على زيادة المكوون المحلي لنسب كبيرة تفوق ال60 و80 في المية دلوقتي.