الودائع من منتجات الادخار التي يقبل عليها العملاء في البنك الأهلي المصري حيث توفر سعر عائد تنافسي.

ويستائل بعض العملاء هل يمكن استرداد قيمة الوديعة قبل موعد انتهاء مدتها وكيف يجري ذلك أونلاين؟

ويجب العلم أنه يمكن للعميل صاحب الوديعة أن يسترد الوديعة الخاصة به قبل نهاية المدة وفقا والقواعد والشروط المعلنة في البنك.

ويتم احتساب القيمة الإستردادية وفقا وتاريخ الاسترداد.

ويمكن الاستفسار عن القيمة الاستردادية من خلال خدمة  " الأهلى نت / الأهلى موبايل" ، عن طريق الضغط على " الودائع / الشهادات " ثم الضغط على " استرداد الودائع / الشهادات " , أو من خلال زيارة أقرب فرع من فروع البنك الأهلي المصري.

لو عايز تعمل وديعة.. فهنقولك على حاجات مهمة لازم تعرفها عن الوديعة.

أولا الوديعة عبارة عن منتج من منتجات البنك.. واللي  بتديك عائد مقابل المبلغ اللي بتجمده في البنك ومدتها بتبدأ من أول أسبوع وممكن تكون لحد ١٠ سنين..  بس بلاش تكون طويلة اوي كدا.

وعائد الوديعة بيكون أعلى شوية من حساب التوفير.. وممكن بضمان الوديعة تاخد قرض بس الوديعة هاتفضل متجمدة لحد لما القرض بتاعك يخلص أو لغاية لما مدة القرض نفسها تخلص وتسدده كله.

كمان من خلال الوديعة تقدر تطلع فيزا مشتريات بضمانها..  والوديعة بتتميز على الشهادة في أنك لما تيجي تفكها البنك مش هاياخد منك القيمة الاستردادية اللي بياخدها من الشهادة .. بس خلي بالك الوديعة سعر الفايدة فيها بيتأثر بسعر الفائدة من البنك المركزي.